Қазақстан Республикасы Мәдениет және ақпарат министрлігінің Архив, құжаттама және кітап ісі комитеті

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Республикасы Мәдениет және ақпарат министрлігінің Архив, құжаттама және кітап ісі комитеті
Жалпы мағлұмат
Мемлекет  Қазақстан
Құрылған уақыты 31 наурыз 2021 жыл
Штаб-пәтері 010000, Астана қаласы, Есіл ауданы, Мәңгілік Ел даңғылы, 8 үй, "Министрліктер үйі" ғимараты, №15 кіреберіс
Төрағасы Рустам Әли
Ресми сайты
gov.kz/memleket/entities/archive?lang=kk

Қазақстан Республикасы Мәдениет және ақпарат министрлігінің Архив, құжаттама және кітап ісі комитеті — мемлекеттік рәміздер, архив ісі және басқаруды құжаттамалық қамтамасыз ету, электрондық құжат айналымы және электрондық архивтер, ономастика, геральдика, кітап және кітапхана ісі салаларында басшылықты жүзеге асыратын Қазақстан Республикасы Мәдениет және ақпарат министрлігінің ведомствосы.

ҚР Мәдениет, ақпарат және қоғамдық келісім министрлігінің Мұрағаттар мен құжаттаманы басқару жөніндегі комитеті ҚР Үкіметінің 1999 ж. 29 сәуірдегі қаулысымен құрылды. ҚР Президентінің 2003 ж. 13 қыркүйектегі Жарлығымен министрлік оны ҚР Мәдениет министрлігі мен ҚР Ақпарат министрлігіне бөлу жолымен ҚР Мәдениет министрлігінің Мұрағатты басқару және құжаттама жөніндегі комитет болып қайта ұйымдастырылды.[1] ҚР Президентінің 2004 ж. 29 қыркүйектегі Жарлығына[2] сәйкес ҚР Үкіметінің 2004 ж. 29 қазандағы қаулысымен[3] комитет ҚР Мәдениет, ақпарат және спорт министрлігінің Ақпарат және мұрағат комитеті болып қайта ұйымдастырылды.[4] 2006 жылы ол ҚР Мәдениет және ақпарат министрлігіне, 2010 жылы ҚР Байланыс және ақпарат министрлігіне, 2012 жылы ҚР Мәдениет және ақпарат министрлігіне берілді. 2014 жылы комитет таратылып, ҚР Байланыс және ақпарат агенттігіне қосылды. 2021 жылы ҚР Мәдениет және спорт министрлігінің құрамында Архив істері және құжаттаманы басқару комитеті қайта құрылды. 2023 жылы наурызда Архив, құжаттама және кітап ісі комитеті болып өзгертіліп, қыркүйекте ҚР Мәдениет және ақпарат министрлігінің қарамағына берілді.

Міндеттері

[өңдеу | қайнарын өңдеу]
  1. Мемлекеттік рәміздер, архив ісі және құжаттамалық қамтамасыз ету, электрондық құжат айналымы және электрондық архивтер, ономастика, геральдика, кітап және кітапхана ісі салаларында басшылықты жүзеге асыру[5]

Комитеттің 5 басқармаcы бар (2023 жылға):

  1. Мемлекеттік саясат және нормативтік-құқықтық реттеу басқармасы
  2. Мониторинг және мемлекеттік бақылау басқармасы
  3. Ұлттық архив қорын пайдалану және мемлекеттік қызметтер басқармасы
  4. Геральдикалық жұмыс басқармасы
  5. Баспа ісі басқармасы
  6. Ономастика басқармасы[6]

Дереккөздер

[өңдеу | қайнарын өңдеу]
  1. Қазақстан Республикасының мемлекеттік билік органдары (2001-2005 жж.) Анықтамалық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9
  2. "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, № 36, 474-бап).
  3. "Қазақстан Республикасы Мәдениет, ақпарат және спорт министрлігінің мәселелері" ҚР Үкіметінің 2004 ж. 29 қазандағы № 1130 қаулысы (ҚР ПҮАЖ, 2004, № 42, 538-бап).
  4. Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007.  ISBN 9965-602-37-9
  5. "Қазақстан Республикасының Мәдениет және ақпарат министрлігінің Архив, құжаттама және кітап ісі комитеті" республикалық мемлекеттік мекемесінің ережесін бекіту туралы
  6. Комитет құрылымы