Қазақстан Республикасы Мәдениет және ақпарат министрлігінің Азаматтық қоғам істері комитеті
| Қазақстан Республикасы Мәдениет және ақпарат министрлігінің Азаматтық қоғам істері комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 18 қазан 2016 жыл |
| Штаб-пәтері | 010000, Астана қаласы, Есіл ауданы, Мәңгілік Ел даңғылы, 8-үй, №15 кіреберіс |
| Төрағасы | Гүлбара Бекетқызы Сұлтанова |
| Ресми сайты | |
| gov.kz/memleket/entities/akk?lang=kk | |
Қазақстан Республикасы Мәдениет және ақпарат министрлігінің Азаматтық қоғам істері комитеті — мемлекет пен азаматтық қоғамның өзара іс-қимылы, мемлекеттік әлеуметтік тапсырыс, үкіметтік емес ұйымдарға арналған гранттар ұсыну және сыйлықақылар беру, волонтерлік қызмет, қоғамдық кеңестер қызметі, қайырымдылық, медиация, қоғамдық сананы жаңғырту және ішкі саяси тұрақтылық салаларында басшылықты жүзеге асыратын Қазақстан Республикасы Мәдениет және ақпарат министрлігінің ведомствосы.
Тарихы
[өңдеу | қайнарын өңдеу]Азаматтық қоғам істері комитеті 2016 жылы ҚР Дін істері және азаматтық қоғам министрлігінің құрамында құрылды. 2018 жылы комитет ҚР Қоғамдық даму министрлігінің, 2019 жылы ҚР Ақпарат және қоғамдық даму министрлігінің құрамында болып, 2023 жылы ҚР Мәдениет және ақпарат министрлігінің қарамағына берілді.
Міндеттері
[өңдеу | қайнарын өңдеу]- Қоғамдық кеңестердің қызметі бойынша мемлекеттік саясатты іске асыру, барлық деңгейдегі қоғамдық кеңестердің қызметін үйлестіру және әдістемелік ілгерілетуді қамтамасыз ету;
- Қайырымдылықты танымал ету бөлігінде қайырымдылық саласындағы мемлекеттік саясатты жүзеге асыру;
- Мемлекеттiк әлеуметтiк тапсырысты қамтамасыз ету, оның iшiнде стратегиялық әрiптестiктi және гранттық қаржыландыруды іске асыру жөнiндегi мемлекеттiк саясатты жүзеге асыру;
- Үкіметтік емес ұйымдармен өзара іс-қимыл жүргізу үшін Қазақстанның Азаматтық форумы және Уәкілетті орган жанындағы үкіметтік емес ұйымдармен өзара іс-қимыл жүргізу жөніндегі үйлестіру кеңесі сияқты диалог алаңдарының қызметін ұйымдастыру;
- Медиатор ұйымдарының қызметін үйлестіру және қоғамдық медиаторлардың тізілімін жүргізу;
- Волонтерлік қызмет саласындағы мемлекеттік саясатты іске асыру, волонтерлік қызметтің тізілімін жүргізу;
- Үкіметтік емес ұйымдар деректер қорында үкіметтік емес ұйымдарды тіркеу[1]
Құрылымы
[өңдеу | қайнарын өңдеу]Комитеттің 6 басқармаcы бар (2023 жылға):
- Ведомствоаралық үйлестіру басқармасы;
- Қоғамдық кеңестер қызметінің мәселелері басқармасы
- Азаматтық бастамаларды қолдау басқармасы
- Азаматтық қоғам институттарымен өзара іс-қимыл басқармасы
- Қоғамдық-саяси жұмыс басқармасы
- Қайырымдылық және волонтерлік мәселелері басқармасы
