Қазақстан Республикасы Көлік министрлігінің Азаматтық авиация комитеті
Қазақстан Республикасы Көлік министрлігінің Азаматтық авиация комитеті | |
---|---|
Жалпы мағлұмат | |
Мемлекет | ![]() |
Құрылған уақыты | 1994 жыл (департамент ретінде) 1999 жыл (қазіргі түрінде) |
Штаб-пәтері | 010000, Астана қаласы, Есіл ауданы, Қабанбай батыр даңғылы, 32/1, "Транспорт Тауэр" ғимараты |
Төрағасы | Салтанат Еркінқызы Томпиева |
Ресми сайты | |
gov.kz/memleket/entities/aviation?lang=kk |
Қазақстан Республикасы Көлік министрлігінің Азаматтық авиация комитеті — азаматтық авиация саласындағы Министрліктің стратегиялық функцияларын орындауға қатысатын Қазақстан Республикасы Көлік министрлігінің ведомствосы.
Тарихы
[өңдеу | қайнарын өңдеу]1994 жылы Көлiк министрлiгiнiң орталық аппараты құрамында Әуе көлiгi департаментi құрылды.[1] Департаментке 1993 жылы Қазақ азаматтық авиация басқармасы негізінде құрылған «Қазақстан әуе жолы» ұлттық әуе компаниясына уақытша жүктелген мемлекеттік басқару функциялары берілді. Сол жылы Көлік министрлігі Көлiк және коммуникациялар министрлiгi болып өзгертілді.
1996 жылы департамент негізінде Көлiк және коммуникациялар министрлiгi жанынан Әуе кеңiстiгiн пайдалану және азаматтық авиация қызметi жөнiндегi комитет құрылды. 1998 жылы Көлiк және коммуникациялар министрлігінің Азаматтық авиация департаменті болып өзгертіліп, 1999 жылы министрлік құрамындағы комитетке айналды. 1999 жылы Азаматтық авиация комитеті ҚР Көлік, коммуникациялар және туризм министрлігінен ҚР Көлiк және коммуникациялар министрлігіне, 2014 жылы ҚР Индустрия және инфрақұрылымдық даму министрлігіне берілсе, 2023 жылдан бастап ҚР Көлік министрлігінің құрамына кіреді.
Міндеттері
[өңдеу | қайнарын өңдеу]- әуе кеңістігін пайдалану және азаматтық және эксперименттік авиация қызметі саласында мемлекеттік саясаттың негізгі бағыттарын іске асыру
- Қазақстан Республикасының әуе кеңістігін пайдалану және азаматтық және эксперименттік авиация қызметін мемлекеттік реттеу және мемлекеттік бақылау және қадағалау
- Қазақстан Республикасының әуе кеңістігін оны пайдаланушылардың қауіпсіз пайдалануын қамтамасыз ету, адамдардың өмірі немесе денсаулығына, қоршаған ортаға, мемлекет мүдделеріне қауіп төндірмей ұшуды орындау
- әуе кеңістігін пайдалану және ұшуды орындаумен байланысты қызметті жүзеге асырудың жалпы қағидаттарын белгілеу
- Қазақстан Республикасының экономика және азаматтардың авиациялық қызметтерге қажеттіліктерін қанағаттандыру[2]
Құрылымы
[өңдеу | қайнарын өңдеу]Комитеттің 16 басқармаcы бар (2023 жылға):
- Ведомстволық бағынысты ұйымдармен жұмыс істеу және ғылым басқармасы
- Авиациялық тасымалдар басқармасы
- Азаматтық авиация саласындағы өңіраралық инспекция
- Кадр және әкімшілік жұмысы басқармасы
- Құқықтық қамтамасыз ету басқармасы
- Азаматтық авиация саласындағы бюджеттік бағдарламаларды іске асыру басқармасы
- Авиакомпаниялар қызметі басқармасы
- Әуежайлар басқармасы
- Әуе кеңістігін пайдалануды басқару
- Халықаралық әуе қатынасын реттеу басқармасы
- Азаматтық авиация саласындағы талдау және мониторинг басқармасы
- Ұшу қауіпсіздігі басқармасы
- Авиациялық персоналдың қызметі жөніндегі басқарма
- Ұшуды пайдалану басқармасы
- Бақылау және салалық реттеу басқармасы
- Тарифтік реттеу басқармасы
Қарамағындағы мекемелер
[өңдеу | қайнарын өңдеу]- «Қазаэронавигация» ШЖҚ РМК
- «Қазақстанның авиациялық әкімшілігі» АҚ
Дереккөздер
[өңдеу | қайнарын өңдеу]- ↑ ҚАЗАҚСТАН РЕСПУБЛИКАСЫ КӨЛIК МИНИСТРЛIГIНIҢ ӘУЕ КӨЛIГI ДЕПАРТАМЕНТI ТУРАЛЫ
- ↑ "Қазақстан Республикасы Көлік министрлігінің Азаматтық авиация комитеті" және "Қазақстан Республикасы Көлік министрлігі Азаматтық авиация комитетінің Өңіраралық ұшу қауіпсіздігі инспекциясы" республикалық мемлекеттік мекемелерінің ережелерін бекіту туралы