Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті
| Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 20 қазан 2020 жыл |
| Штаб-пәтері | 010000, Астана қаласы, "Байқоңыр" ауданы, Янушкевич көшесi, № 2 үй |
| Төрағасы | Баймұлдинов Елухан Әділханұлы |
| Ресми сайты | |
| https://www.gov.kz/memleket/entities/kpb?lang=kk | |
Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті — өнеркәсіптік қауіпсіздік саласындағы басшылықты жүзеге асыратын Қазақстан Республикасы Төтенше жағдайлар министрлігінің ведомствосы.
Тарихы[өңдеу | қайнарын өңдеу]
2008 жылы ҚР Индустрия және сауда министрлігінің Өнеркәсіп және ғылыми-техникалық дамыту комитеті мен Экспорттық бақылау және лицензиялау комитеті бірігіп, Өнеркәсіп комитеті құрылды. 2010 жылы ҚР Индустрия және жаңа технологиялар министрлігінің құрамына еніп, 2014 жылы ҚР Инвестициялар және даму министрлігінің Индустриялық даму және өнеркәсіптік қауіпсіздік комитеті болып өзгертілді. 2018 жылы комитет ҚР Индустрия және инфрақұрылымдық даму министрлігіне беріліп, 2020 жылы ҚР Төтенше жағдайлар министрлігінің Өнеркәсіптік қауіпсіздік комитеті және ҚР Индустрия және инфрақұрылымдық даму министрлігінің Индустриялық даму комитеті болып екіге бөлінді.
Міндеттері[өңдеу | қайнарын өңдеу]
- Өнеркәсіптік қауіпсіздік саласындағы мемлекеттік саясатты қалыптастыру және іске асыру
- Қауіпті өндірістік объектілердегі авариялар, оқыс оқиғалар кезінде туындайтын қауіпті өндірістік факторлардың зиянды әсерінің алдын алу, өнеркәсіптік қауіпсіздік саласындағы мемлекеттік қадағалауды қамтамасыз ету[1]
Құрылымы[өңдеу | қайнарын өңдеу]
Комитеттің 7 басқармасы бар (2023 жылға):
- Мұнай-газ өнеркәсібіндегі мемлекеттік бақылау және қадағалау басқармасы
- Тау-кен металлургиясы өнеркәсібіндегі мемлекеттік бақылау және қадағалау басқармасы
- Қауіпті техникалық құрылғылардың қауіпсіз пайдаланылуын мемлекеттік қадағалау басқармасы
- Талдау, жоспарлау және мемлекеттік көрсетілетін қызметтер басқармасы
- Салааралық бақылау және қадағалау басқармасы
- Қаржы және әкімшілік жұмыс басқармасы
- Кадр және ұйымдастыру-бақылау жұмысы басқармасы
Қарамағындағы мекемелер[өңдеу | қайнарын өңдеу]
- Комитеттің облыстар мен Алматы, Астана, Шымкент қалалары бойынша департаменттері
