Seiko Epson Corporation

Уикипедия — ашық энциклопедиясынан алынған мәлімет
Jump to navigation Jump to search
Seiko Epson Corporation
Компанияның ұраны

Exceed Your Vision

Құрылған жылы

1881 (Сува), Нагано

Саласы

Электроника, дәл механика

Сайты

Epson (орыс.)

Seiko Epson Corporation (жапон. セイコーエプソン株式会社 сэйко:эпусон кабусикигайся?, Сейко Эпсон Корпорейшн) көбірек Epson атымен танымал — жапондық көпсалалы Seiko Group концернінің құрылымдық бөлімшесі. Құйылмалы, матрицалық, лазерлік принтерлерді, сканерлерді, үстел үсті компьютерлерді, проекторларды, сондай-ақ басқа электронды компоненттерді ірі өндірушілердің бірі.

Штаб-пәтері Сува (Жапонияда) орналасқан. Компанияның бүкіл әлем бойынша көптеген еншілес компаниялары да бар.

Компанияның тарихы[өңдеу]

Epson R-D1
Epson PM-700C
Epson FX-85

Seiko Epson Corporation Тарихы сонау 1881 жылдан басталады, сол кезде Кинтаро Хаттори Жапонияның Нагано (Nagano) префектурасындағы Сува (Suwa) жерінде K. Hattori Trading Company компаниясын құрады. Ол компания сағаттарды сатумен айналысатын.

Біраз уақыт өткеннен соң Кинтаро Хаттори мырза сағатты сатумен ғана емес, оны жасау шешімін қабылдады. Жаңа қызмет жаңа атауды талап етті, сондықтан да 1892 жылы Seikosha фабрикасы ұйымдастырылды, оның қызметі қабырғаға ілетін сағаттарды жасаумен шектелетін.

1924 жылы тұңғыш рет сағаттардың циферблатында Seiko (жапон тілінен «нақты» дегенді білдіреді) сауда белгісі жарияланады. Сол мезеттен бастап Seiko сағаттары дүниежүзіне әйгілі болады.

Екінші дүниежүзілік соғыс басталды. Бұл қиын заманда Жапонияда жаңа өндірістердің ашылуы барынша қолдау табатын. 1942 жылдың мамырында Nagano аумағының Сува қаласында тіркелген Daiwa Kogyo Ltd. Компаниясы сол кезде аса әйгілі K. Hattori & Co. Компаниясы үшін сағаттарды жинай бастады.

1959 жылы Daiwa Kogyo және Daini Seikosha Co., Ltd. Сағат компаниясының Suwa Plant зауыты бір компанияға бірігеді, оның аты Suwa Seikosha Co., Ltd.деп аталады.

1962 жылы Suwa Seikosha Co., Ltd. Компаниясы 1964 жылы Токиода өтетін Олимпиадаға таймерлерді жасауға тапсырыс алады. Сол кезде Shinshu Seiki еншілес компаниясы құрылады, олар осы таймерлерге қосалқы бөлшектер жасайды.

1964 жылы Seiko Group компаниясы Токиодағы Олимпиада ойындарында уақыттың ресми контролеры болып таңдалады. Компактілі үстел үстілі кварц Crystal Chronometer 951 сағаты және принтер қондырылған арнайы хронометр, жарыстардың нәтижелерін белгілеп ғана қоймай,оны баспаға қоса шығарып отырды, солайша осы шарада аса маңызды рөл атқарды.

«Олимпиадалық» табысымен шабыттанған компания өзін тіпті жаңа бағытта сынап көруге бел буды — баспа құралдарын шығаруда. 1968 жылдың қыркүйегінде EP-101 жаппай өндірісі басталады — ол әлемдегі тұңғыш минипринтер болады. Оның салмағы не бәрі 2,5 кг, сол 60-жылдары басым көпшілік принтерлердің салмағы шамамен 30 кг болған кезде. Бірақ EP-101 өзінің басқа туыс принтерлерінен айырмашылығы тек компактілігі мен конструкциясының қарапайымдылығында ғана болмады — ол аса сенімділік көрсеткіштеріне және қызмет ету мерзімімен ерекшеленді. EP-101 бірден электронды үстел үсті калькуляторлар мен есеп машиналарын өндірушілердің назарын өзіне аударды, олардың өнімдері 60-шы жылдардың соңында аса әйгілі болған еді және олармен EP-101 толықтай үйлесімді еді.

1969 жылы Seiko Epson әлемде алғашқы болып кварц механизмі негізінде Quartz 355Q аналог сағатын жасайды — Seiko Astron сағаты әлемдегі ең үздік кварц сағаты деп мойындалған.

1973 жылы Seiko Quartz 06LC — әлемдегі тұңғыш LCD экраны бар санды кварц сағаты сатылымға түседі.

Принтерлер нарығы, сонымен қатар компанияның жаңа бизнесі өрлей бастады, сөйтіп жуырда бұл бағыт Suwa Seikosha компаниясының басты бағытына айналды. Ал бүгінде баршамызға танымал Epson атауы тұңғыш EP-101 принтерінің «ұрпағы» болар өнімдерді жасау бойынша компания ниетінің жемісі болды, немесе, басқаша айтқанда, ол принтерлердің «ұлдары» болды — «Ep-son». 1975 жылдан бастап Suwa Seikosha компаниясы өндіретін принтерлер, компьютерлер және басқа құралдар Epson белгісімен сатыла басталды.


1977 жылы EX-1 өндірісі басталды — бухгалтерлік фирмаларға арналған офис компьютерлері.

1978 жылы TX-80 өндірісі басталды — тұңғыш матрицалық Epson принтері.

1980 жылдың қазанында MX-80 өндіріле басталды, компьютерге арналған принтер, ол маусымның хитына айналды (әсіресе АҚШ-та).

1982 жылы компаниялар тобы атауын Seiko Epson Corporation деп аустырады. Олар HX-20 — әлемдегі тұңғыш портативті компьютерді шығара бастайды. Ол компьютердің көлемі А4 форматтағы парақпен тең еді, ол заманауи ноутбуктердің бастамасы болатын. Сол жылы DXA002 шығарыла басталады — ол теледидар қондырылған әлемдегі тұңғыш сағат еді.

1983 жылы компания әлемдегі тұңғыш портативті түрлі-түсті теледидарды жасайды.

1984 жылы компания ET-10 ұсынады, ол әлемдегі тұңғыш LCD экраны қондырылған портативті теледидар еді.

1986 жылы нарыққа GT-3000 ұсынылады, ол Epson сканері.

1987 жылы сатылымға EPSON PC-286 персоналды компьютері түседі.

1988 жылы әлемдегі тұңғыш өзібұралатын сағат ұсынылады.

80-ші жылдардың соңы компанияның қызметіндегі өзгерісті сәт еді. 1988-89 жылдары екі басты технологиялар құрылды, олар өзін Epson техникасында және басқада да бүгінгі күнде де әлі табысты етіп көрсетуде. Epson Micro Piezo құйылмалы баспа технологиясы Epson құйылмалы принтерлерін қуатты бәсекелестік үстемдікпен қамтамасыз етті: баспа ізінің жоғары сенімділігін, сондай-ақ тамшының дәл позициялауының арқасында жоғары сапа мен баспа жылдамдылығының үйлесімінін ұсынды. Epson Micro Piezo технологиясындағы тұңғыш құйылмалы принтер — Epson Stylus 800 (1993) 1998 жылдың қазанында жасалды, ол бірінші түрлі-түсті принтер еді, ол Discovery ғарыш кемесінде ғарышқа ұшты. Micro Piezo арқасында Epson атауы әлемдегі тұтынушылар үшін сапалы баспа сөзінің синониміне айналды. Сондай-ақ Компания өзін сия мен қағаз саласындағы еңбектердің инновациялық авторы ретінде паш етті. Epson Micro Piezo технилогиясы әлі күнге дейін компанияның баспа құралдарында кеңінен пайдаланылады. 80-ші жылдардың соңындағы екінші жаңалық - Epson 3LCD басты проекторлық технологиясын жасау еді, ол кейінде Epson компаниясын әлемдегі №1 проекторлық компаниясы дәрежесіне көтерді. 1989 жылы нарыққа VPJ-700 ұсынылды - әлемдегі тұңғыш Epson VPJ-700 атты 3LCD-видеопроекторы. Келесі жылдар аралығында да компания 3LCD-технологиясын арттыра түседі, қанық түсті көрсетуге, шынайы түсті беру сипатына, үй кинотеатрына және бизнес-проекторларға арналған проекторларда сенімділік пен көзге қамқорлы әсер ету сипатына қол жеткізеді. Бүгінде Epson компаниясы өз проекторларына және басқа компаниялардың 3LCD-проекторларына 90 % аса 3LCD-матрицаларды шығарады.

1990 жылы нарыққа Seiko Receptor шығарылды — пейджер қызметі бар әлемдегі тұңғыш сағат.

1993 жылы Monsieur жасалды, әлемдегі ең кішкентай робот. Гинесс Рекордтар Кітабында Monsieur жазылған.

1996 жылы Epson компаниясы бірінші болып құйылмалы алтытүсті Epson Stylus Photo фотопринтерін шығарды, ол фотобаспа туралы көзқарасты өзгертті.

1998 жылы Наганодағы Олимпиадалық ойындарда Seiko Group компаниясы уақыттың ресми конролеры етіп таңдалды.

1998 жылдың қарашасында бірінші түрлі-түсті лазерлі Epson EPL С8000 принтері сатылымға түсті.

2000 жылы бірінші кеңформатты құылмалы Epson Stylus Pro 9500 принтері жасалды.

2001 жылдың маусымында IBM –мен бірлесе Yasu Semiconductor Corporation компаниясы құрылды, үздік логикалық интегралды схемаларды өндіруші.

2001 жылдың қазанында Epson Stylus Photo 950/960 (PM-950C Жапонияда) құйылмалы принтердің сатылымы басталды, ол «әлемдегі ең жоғары рұқсатты (2880 dpi)» принтерді ұсынды.

2002 жылдың сәуірінде Epson компаниясы 4-ші буындағы мобильді телефондарға арналған Crystal Fine дисплейін жасады, суреттің аса жоғары сапалығымен (sRGB) және рұқсатылымымен (200 dpi) ерекшеленетін.

2002 жылы Epson компаниясы инновациялары үшін IEEE (Institute of Electrical and Electronics Engineers) марапатына ие болады.

2003 жылы компания аз қуат тұтынатын, ультражіңішке, жоғарыдыбысты моторы мен сымсыз Bluethooth технологиясы бар Monsieur II-P микророботының прототипін жасайды.

2003 жылдың маусымында Epson компаниясы Токиялық қор биржасында тіркеледі.

2006 жылы компания түтін мен шаңның аса күрделі жағдайындағы жұмыстарда қолданылатын, шаңнан қорғалатын бірінші проекторды шығарады.

2008 жылы сол жылдарға аса үнемді Epson Stylus B-500 құйылмалы бизнес-принтері жасалды.

2008 жылдың қазанында компания бірінші кеңформатты экосольвентті Epson Stylus Pro GS6000 принтерін шығарды. Инновациялық сегізтүсті экосольвентті Epson UltraChrome GS сияларының арқасында принтер арнайы желдетуі жоқ жайларда қолданыла береді, сондай-ақ Epson Stylus Pro GS6000 принтерінде шығарылған материалдарды жайдың ішінде қолдануға болады, сонысымен бұл құрылғы басқа сольвентті принтерлерден түбегейлі ерекшеленеді.

2008 жылдан бері Компанияның Президенті Минору Усуи мырза болды, ол Epson Micro Piezo технологияларын кезінде жасаған адам, ол үшін түс саласындағы технологияларды дамыту жетістіктері үшін Перкин (Perkin Medal) салиқалы сыйлығын алған еді.

2010 жылы Epson компаниясы өзінің бірінші ультрақысқафокусты проекторын ұсынды, сонымен қатар әлемдегі бірінші ультрақысқафокусты интерактивті проекторды ұсынды. Ол проектор кезкелген ашық беттерде интерактивті кеңістік жасауға қабілетті. 2012 жылы Epson компаниясы интерактивті проекторлардың жаңа буынын шығарды — екі адам жұмыс қатар жасайтын екі стилусы бар проектор.

2011 жылы компания сияларды беру жүйесі қондырылған құылмалы қондырғылары бар әлемде бірінші Epson L100 принтерін және Epson L800 фотопринтерін ұсынды, сонымен қатар КҚҚ Epson L200 ұсынды. Құрал баспаның сенсациялы төмен өзіндік бағасымен және баспаның жоғары сапасымен ерекшеленеді.

2011 жылдың соңында компания кіші бизнеске арналған өзінің бірінші кеңформатты офистік КҚҚ ұсынды: Epson WorkForce WF-7515 және Epson WorkForce WF-7525.

2012 жылдың басында Epson компаниясы үй кинотеартларына арналған өзінің бірінші 3LCD 3D-проекторларын ұсынды, максималды жоғары қанықтығымен (проекторладың шығуы мерзіміне), сонымен қатар док-стансасы бар Apple Epson MG850HD бірінші проекторын ұсынды, iPhone, iPad, iPod қондырғыларынан видео және фотоматериалдарды жіберу мүмкіндігімен.

2012 жылдың маусымында Epson компаниясы өзінің тұңғыш 10 000 Лм қуаты бар проекторларын ұсынды.

Сілтемелер[өңдеу]