Snoop Dogg

Уикипедия — ашық энциклопедиясынан алынған мәлімет
Навигацияға өту Іздеуге өту
Snoop Dogg
Снуп Догг
Сурет
2015 жылғы Сан Франсиско, Калифорниядағы суреті
Негізгі ақпарат
Толық аты

Келвин Кордозар Бродус кішісі
ағылш. Calvin Cordozar Broadus Jr.

Туған күні

20 қазан 1971 (1971-10-20) (50 жас)

Туған жері

Лонг-Бич, Калифорния,  АҚШ

Белсенділік жылдары

1990—қазір

Жанры

рэп

Лақап аттары

Снуп Догги Догг • Снуп Лайон • Бигг Снуп Догг • Снуп Рок • Ди-Джей Снупаделик • Снупзилла • ФэйЗ Снуп

Ұжымдары

213 • 7 Days to Funk • Mount Westmore • QDT • Tha Eastidaz

Лейблдері

Death Row Records • Create Music Group • Doggy Style Records • Empire Distribution • Def Jam Recordings • RCA Inspiration • MNRK Music Group • i am OTHER • Columbia Records • Stones Throw RecordsRCA RecordsPriority RecordsGeffen RecordsCapitol RecordsEMIStar Trak EntertainmentNo Limit RecordsInterscope Records

https://snoopdogg.com/

Келвин Кордозар Бродус кішісі (ағылш. Calvin Cordozar Broadus Jr.; Snoop Dogg) немесе Снуп Догг (ағылш. Snoop Dogg) — афроамерикандық рэпер, продюсер, кәсіпкер және актёр. Алтыншы сынып оқып жүргенде рэп оқи бастаған. Оның екінші альбомы «Tha Doggfather» Тупак Шакурдың құрметіне арналған. Мансабының басталғанынан бері АҚШ-та 23 миллион альбом, және дүние жүзінде 35 миллион сатты. 2018 жылдың 18 қарашасында Голливуд Даңқ аллеясында жұлдызы қойылды.

Өмірбаяны[өңдеу | қайнарын өңдеу]

Жастық шағы[өңдеу | қайнарын өңдеу]

Келвин Кордозар Бродус кішісі Лос-Анджелестың оңтүстігінде орналасқан Лонг-Бич қаласы, Калифорния штатында дүниеге келген. Отбасындағы үш ұл баланың екіншісі.

Әкесі, әнші, пошташы және Вьетнам соғысының ардагері Верналл Варнадо Бродустың өмірінде жиі қатыспаған.

«Снуп Догг» лақап атын Бродусқа анасы Снупи атты мультфильмдегі итке ұқсағандығынан берген. Және де бала кезінде Снуп Догг басқаның ісіне қол сұғатын, және осыны сипаттайтын ағылшынша "snooping around" сөз тіркесі бар.

Алтыншы сыныпта рэп орындауды бастайды. Кейінірек ол Лонг-Бич Политехникалық мектебі және Джордан орта мектебінде білім алды; сол жерде оны кокаин сатумен айыптайды, ол 6 ай мерзіміне Уэйсайд округінде қамалады.

Музыкалық мансабы[өңдеу | қайнарын өңдеу]

Оқу бітіргеннен кейін Снуп Доггтың заңмен қиындықтары болады; бірақ ол музыкада өзі-өзін тауып, оған өмірін арнайды. Өзінің немере інісі Нейт Доггпен бірге екеуі рэп өлеңдерін жасайды. Dr. Dreнің бауыры Уоррен Джимен бірге Three The Hard Way (кейінірек Лонг-Бичтің телефон коды сияқты 213 деп аты ауысады).

Dr. Dreмен бірге өлең жасап жатқан кезде Снуп Догг пен оның оққағары МакКинли Ли оппозициялық банданың мүшесі Филипп Вольдермарианның өлтіру айыптауларымен қамауға алынды.[1]

1993 жылы шығу күні ауыса берген «Doggystyle» альбомы жарық көрді. Снуптың альбомы музыкалық чарттар тарихындағы тұңғыш рэп-альбомы болып шықты, Батыс жағалауының рэпы және G-Funk жанрлары танымал болды. About.com сайты альбомды 19-шы ең жақсы хип-хоп/рэп альбом деп атайды.[2]

1994 жылғы Ұлыбританиядағы турнесінде сол жердің газеталары мен депутаттары Снуп Доггтың елден шыққанын сұрады. Осыған мүлдем мән бермеген Снуп «Murder Was the Case» қысқа фильмін жасайды.

Соттың тыныштық периодын қолданып, Снуп «Doggfather» атты альбомды 1996 жылы қарашада жасады. Сол жылдары гангста-рэп танымалдылығын жоғалта бастаған еді. Сол жылы Др. Дре Death Row тобынан шығып еді.

Снуп Догг, Гавайи, 2005

Досы Тупак Шакурдың өлімінен кейінгі үзілістен кейін Снуп No Limit лейблымен контракт жасайды да, музыка жасауға 1998 жылы оралады. No Limit лейблымен бірге 2000 жылы 5 желтоқсан күні жасаған соңғы альбомы The Last Meal деп аталған еді. Кейінірек Снуп АҚШ-тағы тур жасайды. Онымен бірге турда тағы Dr. Dre, Эминем, Ice Cube, Xzibit және Нейт Догг рэпперлеры қатысқан.

2001 жылдан бастап өзінің автобиографиясын жазуды бастады, және киномен қызығуды бастады. Көп ұзамай актёр болуды бастады: Дензел Уашингтонмен бірге «Training Day» атты фильмінде және «Baby Boy», кейінірек «Starsky & Hutch» фильміндерінде түседі.[3]

2002 жылы Снуп Догг өзінің алкоголь мен сора қолдануын тоқтататынын жариялады. Снуп көптеген әншілермен бірге жұмыс істеп (Фарелл Уильямс, Уоррен Джи, Джастин Тимберлейк, Чарли Уилсон), марапаттарға ие болады.

2006 жылы Снуп пен оның жақындары әуежайда болған 7 полиция жұмысшылары жарақат алған төбелес үшін қамалға алынды. Оны бірінші класста ұшақта ұшуға тыйым салынады.

Жеке өмірі[өңдеу | қайнарын өңдеу]

Снуп Догг мектептен бері сүйген Шанта Тейлорге 1997 жылы үйленген. Олар 2004 жылы ажырасады, бірақ 4 жылдан кейін қайта үйленеді. Оның христиан шіркеуі мен Растафари қозғалысымен байланыстары бар, Ислам ұлтымен жақсы қарым-қатынасы бар.

Төрт баласы: Корде Кальвин Бродус, Корделл Бродус, Джулиан Корри Бродус және қызы Кори Бродус бар. Снуп Доггтың тағы Зайон атты немересі бар.

2016 АҚШ президент сайлауында Хиллари Клинтонды қолдады.

2021 жылы 25 қазан күні Келвин Бродус өзінің анасының қайтыс болғанын мәлімдеді, себебін айтпады.

Дереккөздер[өңдеу | қайнарын өңдеу]