The Way We Were
«The Way We Were» — Осындай болып ек фильмінде Барбра Стрейзанд орындайтын ән. Ол 1974 жылдың үздік фильм әні үшін «Оскар» жүлдесін, Алтын глобусты және 1975 жылдың «Грэмми» сыйлығын жеңіп алған. Музыкасын Марвин Хэмлиш, әнін Алан және Мэрилин Бергмандар жазған.
Сингл 1973 жылдың 27 қыркүйегінде сол аттас альбом құрамында шықты. Бұл Стрейзандтың 15-ші альбомы болған. Әншінің кейінгі жинақ альбомдарына да және концерттік альбомдарға да бұл ән енген.
АҚШ-та сингл платиналық сертификатқа,[1] ал Аустралияда алтын сертификатқа ие болған.[2]
Америкалық Billboard Hot 100 чартында ән бірінші орынға көтерілді және жыл қорытындысы бойынша осы чарттың лидері болды.[3]
Әнде фильмнің екі бас кейіпкерінің арасындағы қарым-қатынастарының жарқын сәттерін еске түсіру кезінде пайда болатын меланхолия һәм ностальгия сезімдері жайлы айтылады.