Астрахан ауданы

Үлгі:Infobox Settlement Астрахан ауданы – Ақмола облысының орталық бөлігінде орналасқан әкімшілік бөлініс. 1936 ж. құрылған. Аум. 7,1 мың км2. Тұрғыны 29,3 мың адам, орташа тығызд. 1 км2-ге 4,0 адамнан келеді (2006). Аудан 16 ауылдық округке біріктірілген. Аудан орт. – Астраханка а. Аудан Сарыарқаның солт.-батысында орналасқан. Жер бедері теңіз деңгейінен 100 – 300 м-ден аспайтын ұсақ төбелі-белесті жазық келеді. Кен байлықтарынан алтын, табиғи құрылыс материалдары кездеседі. Климаты тым континенттік, қысы ұзақ суық, жазы қоңыржай ыстық. Орташа темп-расы қаңтарда – 18°С, шілдеде 20°С. Жылдық жауын-шашынның орташа мөлш. 300 – 350 мм, көбіне жазда жауады. Аудан жерін Есіл, Қалқұтан, т.б. өзендер суландырады. Тұщы және ащы көлдері: Ұзынкөл, Баршын, Жалтыркөл, Ортакөл, Берсен, Үштаған, Шұңқыркөл, Нарынбай, т.б. Жер асты сулары 2 – 8 м тереңдікте кездеседі. Есіл өз-нің оң жағалауы карбонатты, кей жері сортаңды қара топырақ, сол жағалауы карбонатты қара қоңыр топырақ болып келеді. Тың игеру жылдары аудан жерінің көбі жыртылды. Аудан жері селеу, қылқан селеу, бетеге, жусан, кермек, өлең, т.б. түрлі шөп өскен дала белдеміне жатады. Өзен жайылмаларында бидайық, арпабас, жауқияқ, айрауық, қамыс, түрлі шөп аралас шалғын өседі. Жануарлардан қарсақ, дала суыры, ор қоян, ақ қоян, үлкен сарышұнақ, дала шақылдағы мен тышқаны, аламан, эверсманн атжалманы, сасық күзен, дала және кәдімгі тоқалтіс, жабайы шошқа, ондатр; су құстарынан қаз, үйрек, т.б. мекендейді. Суларында мөңке, оңғақ, алабұға, торта, шортан, аққайран кездеседі. Аудан жері арқылы Астана – Атбасар – Қарталы т. ж., Астана – Атбасар, Астраханка – Макинск автомоб. жолдары өтеді.