Асылбек Жұманұлы Сейітов

СЕЙІТОВ Асылбек Жұманұлы (22.1.1894, Ресей, Омбы қ. — 4.12.1937, Алматы) — дәрігер, қоғам қайраткері. 1911 ж. Омбы гимназиясын бітіріп,Томск мемл. ун-тінің медицина ф-тіне оқуға түскен. Оны 1916 ж. бітіріп, Павлодар обл-ндағы Баянауыл ст-нда дәрігер болып жұмыс істеді. Халық арасында жиі кездесетін сүзек, безгек, тырысқақ ауруларына қарсы мед. көмек ісін ұйымдастырды. Сондай-ақ осы жылдары қоғамдық саяси өмірге араласып, интеллигенция қатарынан көрінді. С. “Алаш” партиясының белсенді қайраткерлерінің бірі болды. 1917 ж.Орынборда өткен Жалпы қырғыз (қазақ) құрылтайына қатысып, төралқа құрамында М.Дулатовпен бірге жұмыс істеді. Сол жылы С. Ақмолада өткен уезд құрылтайына, 1921 ж. Орынборда өткен Қазақстан дәрігерлерінің 1-съезіне, 1922 ж. Қазақ АКСР-і Кеңестерінің съезіне делегат болып қатысты. 1922 ж. Семей қ-на Губ. денсаулық сақтау басқармасының бастығы болып тағайындалды. Семей обл-нда туберкулезді емдейтін “Ауыл” және “Березовка” санаторийлерін ашуға атсалысты, ол емдеу орындары осы күнге дейін жұмыс істейді. 1937 ж. Қазақ КСР-і денсаулық сақтау Халық Комиссариатының жоспарлау-қаржы бөлімінің меңгерушісі, Алматы қ-ндағы ғ5 емхананы алғаш ұйымдастырушылардың бірі және оның бас дәрігері болды. 1937 ж. 3 желтоқсанда ұсталып, 8 желтоқсанда ату жазасына кесілді. 1957 ж. 8 шілдеде ақталды. С-ке Алматы қ-ндағы ғ5 емханада ескерткіш-тақта қойылды (1999). Семей қ-ндағы (2001) және Алматы қ. 3-Таугүл ықшамауданындағы көшеге С. есімі берілді.