Тупи-гуарани

Гуарани

Тупи-гуарани – Оңтүстік Американың орталық бөлігіндегі (Боливия, Бразилия, Гвиана, Парагвай, Перу) үндіс халқының тобы (гуарани, каингуа, туаяки, тупинамба, мундуруку, сирионо, т.б.). Үлкен моңғол нәсілінің америкалық тобына жатады. Тупи-гуарани тілінде сөйлейді, сондай-ақ испан және португал тілдері қолданылады. Халқының саны 150 мың адам (1995). этникалық қауымдастығы біздің заманымыздан бұрын 2-мыңжылдықтың ортасында Амозонка өзенінің оңтүстігіндегі алқапта қалыптасқан деген болжам бар. Еуропалықтар отарлауының бас кезінде (16 ғасыр) Тупи-гуарани екі тармаққа солтүстік (тупи) және Оңтүстік (гуарани) бөлінген. Дәстүрлі кәсібі – егіншілік, балықшылық пен аңшылық.