Дүниежүзілік көрме (1998)

Expo 1998 (ағылш. 1998 Lisbon World Exposition) — 1998 жылдың 22 мамыры мен 30 қыркүйегі арасында Португалияның Лиссабон қаласында өткізілген халықаралық көрме. Көрменің тақырыбы Васко да Гаманың Еуропадан Индияға дейін теңіз жолының ашқанының 500 жылдығына байланысты «Мұхиттар, болашақтың мұрасы» деп аталды. 132 күн ішінде көрмеге 11 миллион адам келген. Көрмеде 155 мемлекеттер мен организациялар көрсетілді.

Көрмені өткізбес бұрын

Экспо өткізу идеясы 1989 жылы Васко да Гаманың Индияға 1498 жеткенінің 500 жылдығын өткізуін жүргізетіндер – Антонио Феррейра Мега Таурино мен Васко Граса Мораға келген. Феррейра мемлекеттен қолдау алған соң Халықаралық Көрмелер Бюросына өтініш білдірген. 1992 жылы Лиссабонды жеңімпаз деп атады. ЭКСПО 98 алғашқы комиссары Антонио Кардозу Кунья болды. Оны 1997 жылы Жозе де Мелу Торреш Кампуш ауыстырды. ЭКСПО 98 зонасы 5 км болған, Лиссабонның шығысындағы Тежу өзенінің бойында 50 гектар жер алған. Жоспарланған келушілер санына қызмет ету үшін: Жаңа көпір Васко да Гама (Еуропадағы ең ұзын) Лиссабон метросындағы 7 станциялары бар жаңа линия (ашылуға 5 дайын болды) Gare do Oriente аталған поезд, метро, автобус және такси жаңа мультимодальды терминалы жоспарланды.

Билет, Логотип, талисман

Үлкендерге арналған 1 күндік билет 5 мың эскудо (сол жылдың курсы бойынша 34 А.Қ.Ш. доллары), 3 күндік – 12,5 эскудо. 3 айлық билнт алғысы келетіндер үшін 50 мың эскудо болды. 1998 жылғы көрме үшін Швейцар сағат шығарушы компания «Swatch» билет ретінде жұмыс істейтін сағаттарды арнай шығарды. Көрме логотипы Аугушту Таваре Диаш жасаған күн мен теңіз болды. Ал, талисман суретші Антонио Модешту мен мүсінші Артур Морейраның жұмысы Жил атанды.

Павильондар

Көрмелердегі павильондар 2 түрлі еді: тематикалық және аймақтық. Тематикалық павильондар:

• Болашақ павильоны
• VR павильоны
• Утопия павильоны
• Португалия павильоны
• Білім павильоны
• Мұхиттар павильоны
• Территориялар павильоны
• Су павильоны
• Навигациялық көрмесі

Аймақтық павильондарға мысал:

• Азор аралдарының павильоны
• Гвинее-Бисау павильоны
• Макао павильоны
• Мадейра павильоны