Кәдірбек Сегізбайұлы

Сегізбайұлы Кәдірбек (1941 жылы туған) — баспагер, журналист, жазушы. Лақап аты – Қ. Саянов.

• 1967 жылы ҚазМУ-дың журналистика факультетін бітірген. .
• Еңбек жолын "Лениншіл жас" газетінде әдеби қызметкер, бөлім бастығы болып бастады.
• Одан кейін "Білім және еңбек" журналында жауапты хатшы (1974—77).
• "Жалын" альманағы мен "Жалын" баспасында бас редактордың орынбасары (1977—86)
• Қазақ энциклопедиясы бас редакциясында бөлім меңгерушісі (1986-90)
• "Санат" баспасында бас редактор (1990—95) болды.
• 1995-2004 жылы "Атамұра" баспа корпорациясында корпорация президентінің бірінші орынбасары, баспа директоры, вице-президенті қызметтерін атқарды.

К.Сегізбайұлы отыз жылға жуық баспа саласында еңбек етті. Өзі жұмыс істеген баспаларда атқарылған қат-қабат жұмыстың бел ортасында жүрді, істі оңтайлы ұйымдастыра білетін басшы ретінде таныла білді. "Атамұра" баспа корпорациясы құрылған күннен бастап тарихи-танымдық, салт-дәстүр, әдет-ғұрыптарға арналған, сондай-ақ жекелеген көркем шығармалар жинақтарын, көп томдық "Қазақстан тарихы" және "Абай тойы", "Ақмола", "Маңғыстау", "Атырау" энциклопедияларын жарыққа шығарды. Орта мектептерге арналған жаңа буын оқулықтарын қазақ, орыс, ұйғыр, ішінара өзбек тілдерінде әзірлеп-шығаруда ұшан-теңіз жұмыс атқарды. Онда, басшылардың бірі ретінде, К.Сегізбайұлының да зор еңбегі бар.

• Қазақстан Жазушылар, Журналистер Одақтарының мүшесі.
• Оннан астам әңгіме, хикаяттар жинақтарының, романдардың авторы. 7-8 алыс-жақын шетел тілдерінде жекелеген кітаптары, шығармалары аударылған. Шетел жазушыларының бірқатар кітаптарын қазақ тіліне аударған.
• Kөркем шығармалардың республикалық жабық конкурсының екі дүркін бірінші және екінші жүлдесіне ие болған.
• 1984 жылы "Біз қалада тұрамыз" жинағы үшін М.Әуезов атындағы сыйлық берілген.
• 2001 жылы "Қазақстан Республикасы тәуелсіздігіне 10 жыл" мерекелік медалімен марапатталған.