Майгүл Ибрагимқызы Қазтұрғанова

Майгүл Ибрагимқызы Қазтұрғанова (1.5.1951 жылы туған, қазіргі Алматы облысы Ескелді ауданы Еңбек ауданы) – әнші. ҚР Халық артісі (1995). Құрманғазы атындағы Алматы Мемлекеттік консерваториясының әншілік-хор факультетін (Н.Д. Юмашевтің жетекшілігімен) бітірді (1980). Өзінің шығармашылық жолын “Отырар сазы” фольклорлық-этнографиялық ансамблінде жеке әнші ретінде бастады (1980 – 90). Содан кейін бұрынғы Талдықорған облысы филармониясы жанындағы “Алтын дән” ансамблінің әншісі болып жұмыс істеді (1990 – 98). 1998 жылдан Н.Тілендиев атындағы оркестрдің соло-әншісі. Әншінің репертуарында қазақ халық және кәсіби композиторларының, әлем халықтарының әндері бар. 1994 жылы Пхеньянда өткен Дүниежүзілік фестивальда Қазтұрғанова жеңімпаз атанды. “Отырар сазы” ансамблінің құрамында Ирак, Германия, Франция, Қытай, Түркия, Корея, т.б. елдерде қазақ өнерін паш етті.