Ерейментау ауданы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ерейментау ауданы
Ел:

Қазақстан Республикасы Қазақстан

Статусы:

Аудан

Кіреді:

Ақмола облысы

Енеді:

1 қалалық, 14 ауылдық округ

Әкімшілік орталығы:

Ерейментау

Құрылған уақыты:

1932 жыл

Әкімі:

Лашынтай Жасқайратұлы Дүйсенов

Ресми тілі:

қазақ тілі

Тұрғыны (2010):

33 908[1]

Ұлттық құрамы:

қазақтар (60,71%), орыстар (23,00%), украиндар (6,96%), немістер (3,84%), татарлар (1,57%), белорустар (1,35%), басқалары (2,55%)[2][3]

Ерейментау ауданы картада

Ерейментау ауданы, карта

Уақыт белдеуі:

UTC+6

Пошта индекстері:

020800-020810[4]

Автомобиль коды:

03, C

Ерейментау ауданыАқмола облысының шығысындағы әкімшілік бөлініс. 1928 ж. құрылған. Жер аумағы 17,5 мың км². Тұрғыны 35,1 мың адам, орташа тығызд. 1 км²-ге 2,0 адамнан келеді (2006). Аудан жеріндегі 52 елді мекен 1 қалалық, 2 кенттік, 12 ауылдық округтерге біріктірілген. Аудан орталығы – Ерейментау қаласы. Ерейментау ауданы Сарыарқаның солт.-шығысындағы дала белдемінде, Сілеті, Өлеңті өзендерінің алабында орналасқан. Солт. жер бедерінің биікт. 300 метрден аспайтын белесті жазық. Оңт-ке қарай күмбезді, үшкілді төбелер мен жондардан тұратын денудациялық ұсақ шоқылар, оңт. делювийлі-пролювийлі аккумуляттық жазықпен және бойлық бағытта созылған Ерейментау тауымен алмасады. Ауданның жер қойнауында алтын, сүрме, тас көмір, боксит, тұз, әктас, гранит, қиыршықтас, құм кен орындары барланған. Климаты тым континенттік, қысы суық қары аз, жазы ыстық, құрғақ. Ауаның орташа температурасы қаңтарда –16 – 18°С, шілдеде 20 – 21°С. Жауын-шашынның жылдық орташа мөлшері 300 – 350 мм. Оңт.-батыстан солт.-шығысқа қарай Сілетінің басты салалары – Ащылыайрық (сол), Ақмырза, Кедей, Шилі (оң) және Өлеңті өзендері ағып өтеді. Көлдерінің ірілері: Теңіз, Шолақсор, Жақсытұз, Тамсор, Қарасор, Үлкен және Кіші Шарықты, Көбейтұз, Қоржынкөл (тұщы), Қабыланкөл, Бозайғыр, Әжібай, т.б. Өзен мен көлдер жауын-шашын және жер асты суларымен толығады. Жер асты сулары 30 – 50 м (оңт-нде 100 метрге дейін) тереңдікте кездеседі. Ерейментау бөктерінде суы тұщы әрі мол бұлақтар көп. Аудан жерінің солт. бөлігі сортаңды күңгірт қызыл қоңыр топырақты, оңт. қызыл қоңыр топырақты. Таулы өңірінде қара топырақ, өзен, көл жайылмаларында шалғындық сортаң топырақ қалыптасқан. Даласында бетеге, селеу, қылқан селеу, жусан, шығысында түрлі бұта, сұлыбас, қылқан селеу өседі. Ерейментаудың баурайы мен шатқалдарында қайың, көктерек, тал, қараған, тобылғы, түрлі шөп, сұлыбас, қызғылт селеу, өзен аңғарларында түрлі шөп, астық тұқымдас шалғын өседі. Тауда арқар, елік кездеседі. Қасқыр, түлкі, қарсақ, ақ қоян, борсық, суыр, сарышұнақ, ақ қалақ, ақкіс; құстардан қаз, үйрек, тырна, құр, бүркіт, дала қыраны, қаршыға, бөктергі, т.б. мекендейді. Ауданда Ерейментау қорықшасы орналасқан. Ірі елді мекендері: Торғай Благодатное, Новомарковка, Бестөбе, Павловка, Сілеті. Ауыл шаруашылығына пайдаланылатын жері 1676,4 мың га, оның ішінде егістік 115,6 мың га, шабындық 23,1 мың га, жайылым 1402,3 мың га, орман 17,5 мың га-ны құрайды. Бестөбе, Ешкіөлмес алтын кендерінен алтын өндіріледі. Аудан жері арқылы Астана – Ерейментау – Павлодар, Ерейментау – Айсары темір жол, Астана – Ерейментау – Павлодар, Ерейментау – Бестөбе автомобиль жолдары өтеді. [5]

Ауылдық округтер[өңдеу]

  1. Ақмырза ауылдық округі
  2. Бестоғай ауылдық округі
  3. Бозтал ауылдық округі

Дереккөздер[өңдеу]

  1. Департамент статистики Акмолинской области. 01.07.2010
  2. Агентство Республики Казахстан по статистике. Численность населения Республики Казахстан по областям, городам и районам, полу и отдельным возрастным группам, отдельным этносам на начало 2010 года
  3. Национальный состав населения Казахстана по переписи 2009
  4. Почтовые индексы Казахстана
  5. Қазақ энцклопедиясы