Рашит Сайранұлы Ахметов

Рашит Сайранұлы Ахметов

Рашит Сайранұлы Ахметов

1959 жылы 7 қазанда Батыс Қазақстан облысы Жанғала ауданы Новая Казанка кентінде туған. Татар.

Әкесі - Ахметов Сайран Фатыхұлы (1929 жылы туған), зейнеткер, аудандық тұтынушылар одағының төрағасы болған.

Анасы - Ахметова Фарида Ғазизқызы (1932 жылы туған), зейнеткер, мұғалім болған.

Алматы теміржол келігі инженерлері институтының механика факультетін бітірген (1982), инженер-механик. Жылжымалы құрамдағы жүктерді бекітуге арналған құрылғыға патенті бар (1983).

Орыс және ағылшын (сөздікпен) тілдерін біледі.

«Нұр Отан» ХДП мүшесі (2006 жылдан).

1976-1977 жылдары - Қазақ энергетика ҒЗИ коллекторы (Алматы қаласы). 1982 жылдан - Орал қаласы Вагон депосының шебері. 1982 жылдан - Кеңес Әскерінің қатарында қызметте. 1984 жылдан - Орал қаласы вагон депосының шебері, аға шебері, бас механигі, бастығының орынбасары, вагон депосы ӨТБ бастығы. 1989 жылдан - Орал қаласы темір жол торабының партия комитеті хатшысының орынбасары. 1990 жылдан - «Альфа» ШК директорының орынбасары (Орал қаласы). 1992 жылдан - Орал механика зауыты директорының орынбасары. 1994 жылдан - «Нуржанар» ААҚ президенті (Орал қаласы).

1999 жылдан бері - ҚР Парламенті Сенатының депутаты, Қаржы және бюджет комитетінің мүшесі.

«Құрмет» орденімен, 6 мерейтойлық медальдармен марапатталған.

Әскери атағы - запастағы подполковник.

Саяси қайраткер ретіндегі идеалы-Н.Ә. Назарбаев, I Петр.

Қазақстанның болашағы туралы болжамы - «Тұрақты перспективасы бар зайырлы, уақытпен бірге қадам басқан, дамыған демократиялық мемлекет».

Хоббиі - балық аулау, аңшылық

Сүйіп оқитын әдебиеті - ұлы саясаткерлер мен бизнесмендердің өмірі мен қызметі.

Үйленген. Жұбайы - Ахметова Венера Равильқызы (1962 жылы туған). Ұлы - Ахметов Рүстем Рашитұлы (1987 жылы туған); қызы - Ахметова Эльмира Рашитқызы (1987 жылы туған).