Қазақстан Республикасы Ауыл шаруашылығы министрлігінің Балық шаруашылығы комитеті
| Қазақстан Республикасы Ауыл шаруашылығы министрлігінің Балық шаруашылығы комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 31 желтоқсан 2020 жыл |
| Штаб-пәтері | 010000, Астана қаласы, Есіл ауданы, Мәңгілік ел даңғылы, № 8 үй, "Министрліктер үйі" әкімшілік ғимараты, 16В-кіреберіс |
| Төрағасы | Жүнісов Нариман Талғатұлы (м.а.) |
| Ресми сайты | |
| https://www.gov.kz/memleket/entities/fishery?lang=kk | |
Қазақстан Республикасы Ауыл шаруашылығы министрлігінің Балық шаруашылығы комитеті — балық ресурстарын және басқа да су жануарларын қорғау, өсімін молайту және пайдалану, сондай-ақ акваөсіру, сирек кездесетін және құрып кету қаупі төнген жануарлар түрлері (каспий итбалығы) бөлігінде ерекше қорғалатын табиғи аумақтар саласында басшылықты жүзеге асыратын Қазақстан Республикасы Ауыл шаруашылығы министрлігінің ведомствосы.
Тарихы[өңдеу | қайнарын өңдеу]
1998 жылы ҚР Ауыл шаруашылығы министрлігінің Орман және аң шаруашылығы комитетi Орман, балық және аңшылық шаруашылығы комитетi болып өзгертілді. 1999 жылы министрлік таратылғаннан кейін комитет 1999-2002 жылдары ҚР Табиғи ресурстар және қоршаған ортаны қорғау министрлігі құрамында болды. 2002 жылы комитет қайта ұйымдастырылған ҚР Ауыл шаруашылығы министрлігіне беріліп, 2003 жылы одан Балық шаруашылығы комитеті бөлінді. 2013 жылдың басында комитет ҚР Қоршаған ортаны қорғау министрлігіне, жыл соңында ҚР Қоршаған орта және су ресурстары министрлігіне берілді. 2014 жылы Орман және аңшылық шаруашылығы комитеті мен Балық шаруашылығы комитеті біріктіріліп, ҚР Ауыл шаруашылығы министрлігінің Орман шаруашылығы және жануарлар дүниесі комитеті болып қайта құрылды. 2019 жылы ҚР Экология, геология және табиғи ресурстар министрлігінің құрамына беріліп, 2020 жылы Балық шаруашылығы комитеті ҚР Экология, геология және табиғи ресурстар министрлігінің Орман шаруашылығы және жануарлар дүниесі комитетінен бөлініп шықты. 2023 жылы комитет ҚР Экология және табиғи ресурстар министрлігінің, 2024 жылы Ауыл шаруашылығы министрлігінің құрамына берілді.
Міндеттері[өңдеу | қайнарын өңдеу]
- балық ресурстарын және басқа да су жануарларын қорғау, өсімін молайту және пайдалану, сондай-ақ акваөсіру саласындағы реттеу, іске асыру және бақылау функцияларын орындау, сондай-ақ стратегиялық функцияларды орындауға қатысу;
- сирек кездесетін және құрып кету қаупі төнген жануарлар түрлері (каспий итбалығы) бөлігінде ерекше қорғалатын табиғи аумақтар саласындағы реттеу, іске асыру және бақылау функцияларын орындау, сондай-ақ стратегиялық функцияларды орындауға қатысу[1]
Құрылымы[өңдеу | қайнарын өңдеу]
Комитеттің 6 басқармаcы бар (2023 жылға):
- Балық ресурстарын қорғау және балық аулауды реттеу басқармасы
- Акваөсіруді дамыту басқармасы
- Қаржылық және бухгалтерлік есеп басқармасы
- Мемлекеттік сатып алу басқармасы
- Балық ресурстарының өсімін молайту басқармасы
- Ұйымдастыру-құқықтық жұмысы басқармасы
Қарамағындағы мекемелер[өңдеу | қайнарын өңдеу]
- Арал-Сырдария, Балқаш-Алакөл, Зайсан-Ертіс, Есіл, Жайық-Каспий, Нұра-Сарысу, Тобыл-Торғай, Шу-Талас облысаралық бассейндік балық шаруашылығы инспекциялары
- «Қамыстыбас балық питомнигі» РМҚК
- «Петропавл балық питомнигі» РМҚК
- «Атырау бекіре балық өсіру зауыты» РМҚК
- «Балық шаруашылығы ғылыми-өндірістік орталығы» ЖШС
