Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті
| Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 19 тамыз 2022 жыл |
| Штаб-пәтері | 010000, Астана қаласы, Есіл ауданы, Мәңгілік Ел даңғылы, 8-үй, "Министрліктер үйі" ғимараты, 11-кіреберіс |
| Төрағасы | Әділет Жүнісұлы Тойбаев |
| Ресми сайты | |
| https://www.gov.kz/memleket/entities/quality?lang=kk | |
Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті — ғылым, жоғары және жоғары оқу орнынан кейінгі білім саласында іске асыру және бақылау функцияларын жүзеге асыратын Қазақстан Республикасы Ғылым және жоғары білім министрлігінің ведомствосы.
Тарихы[өңдеу | қайнарын өңдеу]
ҚР Үкіметінің 2001 жылғы 16 қаңтардағы қаулысымен[1] ҚР Білім және ғылым министрлігі Жоғары аттестациялық комиссиясының қайта ұйымдастырылуының нәтижесінде құрылды. ҚР Бiлiм және ғылым министрлігінiң Жоғары аттестациялау (аттестаттау) комитетi 2004 жылы Бiлiм және ғылым саласындағы қадағалау және аттестаттау комитетi, 2007 жылы Білім және ғылым саласындағы бақылау комитеті, 2019 жылы Білім және ғылым саласында сапаны қамтамасыз ету комитеті болып өзгертілді. 2022 жылы комитет ҚР Ғылым және жоғары білім министрлігінің Ғылым және жоғары білім саласында сапаны қамтамасыз ету комитетіне және ҚР Оқу-ағарту министрлігінің Білім саласындағы сапаны қамтамасыз ету комитетіне бөлінді.
Міндеттері[өңдеу | қайнарын өңдеу]
- Ведомство құзыреті шегінде ғылым, жоғары және (немесе) жоғары оқу орнынан кейінгі білім саласында бірыңғай мемлекеттік саясатты қалыптастыруға және жүзеге асыруға қатысу
- Жоғары және (немесе) жоғары оқу орнынан кейінгі білім беру ұйымдары ұсынатын білім беру қызметтерінің жоғары сапасын қамтамасыз ету мақсатында білім беру жүйесін сырттай бағалау жолымен жоғары және (немесе) жоғары оқу орнынан кейінгі білім беру саласында мемлекеттік реттеуді жүзеге асыру, сондай-ақ ғылыми кадрларды даярлау сапасын бақылау[2]
Құрылымы[өңдеу | қайнарын өңдеу]
Комитеттің 4 басқармаcы бар (2023 жылға):
- Сыртқы бағалау және талдау басқармасы
- Рұқсат беру саясаты басқармасы
- Реттеу саясаты басқармасы
- Ғылыми және ғылыми-педагогикалық кадрларды аттестаттау басқармасы
Дереккөздер[өңдеу | қайнарын өңдеу]
- ↑ "Қазақстан Республикасы Білім және ғылым министрлігінің "Жоғары аттестациялық комиссиясын" қайта ұйымдастыру туралы" ҚР Үкіметінің 2001 ж. 16 қаңтардағы № 61 қаулысы (ҚР ПҮАЖ, 2001, № 1-2, 16-бап).
- ↑ Қазақстан Республикасы Ғылым және жоғары білім министрлігінің Ғылым және жоғары білім саласында сапаны қамтамасыз ету комитеті туралы ережесін бекіту туралы
