Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті
Навигацияға өту
Іздеуге өту
| Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті | |
|---|---|
| Жалпы мағлұмат | |
| Мемлекет |  Қазақстан
|
| Штаб-пәтері | 010000, Астана қаласы, Есіл ауданы, Мәңгілік ел даңғылы, 8-үй, "Министрліктер үйі" ғимараты, 2-кіреберіс |
| Төрағасы | Абызбаев Бауыржан Кемербайұлы |
| Ресми сайты | |
| https://www.gov.kz/memleket/entities/vetcontrol?lang=kk | |
Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті — ветеринария және ветеринариялық-санитариялық бақылауға және қадағалауға жататын тамақ өнімдерінің қауіпсіздігі салаларында басшылықты жүзеге асыратын Қазақстан Республикасы Ауыл шаруашылығы министрлігінің ведомствосы.
Міндеттері[өңдеу | қайнарын өңдеу]
- реттеу, іске асыру және бақылау функцияларын орындау, сондай-ақ ветеринария және ветеринариялық-санитариялық бақылауға және қадағалауға жататын тамақ өнімдерінің қауіпсіздігі салаларында стратегиялық функцияларды орындауға қатысу;
- жануарларды аурулардан қорғау және емдеу;
- халықтың денсаулығын жануарлар мен адамға ортақ аурулардан қорғау;
- ветеринариялық-санитариялық қауіпсіздікті қамтамасыз ету;
- Қазақстан Республикасының аумағын басқа мемлекеттерден жануарлардың жұқпалы және экзотикалық ауруларының әкелінуі мен таралуынан қорғау;
- ветеринариялық препараттардың, жемшөп пен жемшөп қоспаларының қауіпсіздігі мен сапасын бақылау;
- жануарлар аурулары диагностикасының, оларға қары күрестің және ветеринариялық-санитариялық қауіпсіздікті қамтамасыз етудің құралдары мен әдістерін әзірлеу және пайдалану;
- жеке және заңды тұлғалар ветеринария саласындағы қызметті жүзеге асыруы кезінде қоршаған орта ластаудың алдын алу және оны жою;
- ветеринария ғылымын дамыту, ветеринария саласындағы мамандарды, ветеринария саласында кәсіпкерлік қызметті жүзеге асыратын жеке және заңды тұлғаларды даярлау және олардың біліктіліктерін арттыру[1]
Қарамағындағы мекемелер[өңдеу | қайнарын өңдеу]
- Комитеттің облыстық, қалалық және аудандық аумақтық инспекциялары
- «Республикалық эпизоотияға қарсы отряд» РММ
- «Республикалық ветеринариялық зертхана» ШЖҚ РМК
- «Ветеринариядағы ұлттық референттік орталық» ШЖҚ РМК
