Қазақстан Республикасы Денсаулық сақтау министрлігінің Медициналық және фармацевтикалық бақылау комитеті
| Қазақстан Республикасы Денсаулық сақтау министрлігі Медициналық және фармацевтикалық бақылау комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 22 қыркүйек 2020 жыл |
| Штаб-пәтері | 010000, Астана қаласы, Есіл ауданы, Мәңгілік ел даңғылы, 8-үй, "Министрліктер үйі" әкімшілік ғимараты |
| Төрағасы | Ысқақов Нұрлан Зайкешұлы |
| Ресми сайты | |
| https://www.gov.kz/memleket/entities/kmfk?lang=kk | |
Қазақстан Республикасы Денсаулық сақтау министрлігі Медициналық және фармацевтикалық бақылау комитеті — медицина және фармацевтика өнеркәсібі, дәрілік заттар мен медициналық бұйымдар айналысын бақылау, медициналық қызметтер (көмек) көрсету, құзыреті шегінде реттеу, іске асыру және бақылау функцияларын жүзеге асыру салаларында басшылықты және оны іске асыруды жүзеге асыратын Қазақстан Республикасы Денсаулық сақтау министрлігінің ведомствосы.
Тарихы[өңдеу | қайнарын өңдеу]
2001 жылы қайта ұйымдастырылған ҚР Денсаулық сақтау министрлігінің құрамында Фармация, фармацевтика және медицина өнеркәсiбi комитетi болып құрылды. 2004 жылы ол Фармация комитеті, 2007 жылы Фармацевтикалық бақылау комитеті болып өзгертілді. 2009 жылы Медициналық қызмет көрсету саласындағы бақылау комитеті Медициналық қызметке ақы төлеу комитеті және Медициналық және фармацевтикалық қызметті бақылау комитеті болып екіге бөлініп, Фармацевтикалық бақылау комитеті Медициналық және фармацевтикалық қызметті бақылау комитетіне қосылды. 2014 жылы екі комитет ҚР Денсаулық сақтау және әлеуметтік даму министрлігінің құрамына енді. 2017 жылы қайта құрылған ҚР Денсаулық сақтау министрлігінің құрамына еніп, Медициналық және фармацевтикалық қызметті бақылау комитеті Фармация комитеті болып өзгертіліп, желтоқсан айында оған Медициналық қызметке ақы төлеу комитеті қосылды. 2019 жылы Қоғамдық денсаулық сақтау комитеті мен Фармация комитеті Тауарлар мен көрсетілетін қызметтердің сапасы мен қауіпсіздігін бақылау комитеті болып бірікті. 2020 жылы аталған комитет Санитариялық-эпидемиологиялық бақылау комитеті және Медициналық және фармацевтикалық бақылау комитеті болып екіге бөлінді.
Міндеттері[өңдеу | қайнарын өңдеу]
- Медициналық қызметтер (көмек) көрсету, дәрілік заттар мен медициналық бұйымдардың айналысы, сондай-ақ денсаулық сақтау саласындағы есірткі, психотроптық заттар мен прекурсорлардың айналымы салаларында реттеуші, іске асыру және бақылау функцияларын жүзеге асыру, құзыретінің шегінде Министрліктің стратегиялық функцияларын орындауға қатысу
- Құзыреті шегінде мемлекеттік қызметтерді көрсету сапасын және қолжетімділігін қамтамасыз ету[1]
Құрылымы[өңдеу | қайнарын өңдеу]
Комитеттің 12 басқармаcы бар (2023 жылға):
- Медициналық қызметті жоспардан тыс бақылау басқармасы
- Медициналық қызметті профилактикалық бақылау басқармасы
- Медициналық қызметті сертификаттау және лицензиялау басқармасы
- Медициналық қызметті талдау және мониторинг басқармасы
- Фармацевтикалық қызметті бақылау басқармасы
- Фармацевтикалық инспекторат және интеграциялау басқармасы
- Фармацевтикалық қызмет саласындағы мемлекеттік көрсетілетін қызметтер басқармасы
- Дәрілік заттар мен медициналық бұйымдарға арналған бағаларды мониторингілеу басқармасы
- Кадрлық және ұйымдастыру-құқықтық жұмысы басқармасы
- Қаржылық қамтамасыз ету және мемлекеттік сатып алулар басқармасы
- Фармацевтикалық және медициналық өнеркәсіпті дамыту басқармасы
- Қаржылық қамтамасыз ету және мемлекеттік сатып алу басқармасы
Қарамағындағы мекемелер[өңдеу | қайнарын өңдеу]
- Облыстар және Алматы, Астана, Шымкент қалалары бойынша департаменттер
- «Дәрілік заттар мен медициналық бұйымдарды сараптау ұлттық орталығы» ШЖҚ РМК
