Қазақстан Республикасы Ғылым және жоғары білім министрлігінің Тіл саясаты комитеті
| Қазақстан Республикасы Ғылым және жоғары білім министрлігінің Тіл саясаты комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 4 ақпан 2005 жыл (Тіл комитеті ретінде) |
| Штаб-пәтері | 010000, Астана қаласы, Есіл ауданы, Мәңгілік Ел даңғылы, 8-үй, "Министрліктер үйі" ғимараты, № 15 кіреберіс |
| Төрағасы | Ербол Ердембекұлы Тлешов |
| Ресми сайты | |
| https://www.gov.kz/memleket/entities/language?lang=kk | |
Қазақстан Республикасы Ғылым және жоғары білім министрлігінің Тіл саясаты комитеті — тілдерді дамыту саласында басшылықты жүзеге асыратын Қазақстан Республикасы Ғылым және жоғары білім министрлігінің ведомствосы.
Тарихы[өңдеу | қайнарын өңдеу]
Тіл комитеті болып Қазақстан Республикасы Үкіметінің 2005 жылғы 4 ақпандағы № 103 Қаулысына сәйкес ҚР Мәдениет, ақпарат және спорт министрлігінің құрамында құрылды.[1] 2006 жылы ол ҚР Мәдениет және ақпарат министрлігіне, 2010 жылы ҚР Мәдениет министрлігіне, 2012 жылы ҚР Мәдениет және ақпарат министрлігіне, 2014 жылы наурызда ҚР Мәдениет министрлігіне беріліп, тамызда ҚР Мәдениет және спорт министрлігінің Тілдерді дамыту және қоғамдық-саяси жұмыс комитеті болып құрылды. 2018 жылы ҚР Қоғамдық даму министрлігі Қоғамдық келісім комитетінің бөлініп шығуына байланысты, Тіл саясаты комитеті болып өзгертілді. 2021 жылы ҚР Білім және ғылым министрлігіне беріліп, 2022 жылы министрліктің екіге бөлінуіне байланысты ҚР Ғылым және жоғары білім министрлігінің қарамағына өтті.
Міндеттері[өңдеу | қайнарын өңдеу]
- тілдерді дамыту саласында бірыңғай мемлекеттік саясатты іске асыруды қамтамасыз ету
- мемлекеттік тілді дамыту, қоғамдық қатынастардың барлық салаларында мемлекеттік тілдің қолданылуын қамтамасыз ету
- мемлекеттік және мемлекеттік емес ұйымдардың Қазақстан Республикасының тілдер туралы заңнамасын іске асыру саласындағы қызметін үйлестіру
- тіл реформасын жүргізу, қазақ тілі әліпбиін латын графикасына көшіруді қамтамасыз ету
- халықты мемлекеттік тілге оқытуды және Қазақстан халқының тілдерін үйретуді әдістемелік қамтамасыз ету
- мемлекеттік тілді ғылым тілі ретінде дамыту, терминологиялық жұмысты жүйелендіру[2]
Құрылымы[өңдеу | қайнарын өңдеу]
Комитеттің 4 басқармаcы бар (2023 жылға):
- Тіл заңнамасының сақталуын қамтамасыз ету басқармасы
- Тіл саясатын іске асыру басқармасы
- Лингвистикалық жұмыстар басқармасы
- Әдістемелік қамтамасыз ету басқармасы
Қарамағындағы мекемелер[өңдеу | қайнарын өңдеу]
Төрағалары[өңдеу | қайнарын өңдеу]
- Сұлтан Оразалинов (1993 – 95)
- Георгий Ким
- Арыстанбек Нұрмаханұлы Нұрмаханов 2001-2004 жж.
- Шерубай Құрманбайұлы 2005-2006
- Ерден Задаұлы Қажыбек (2006-2009)
- Ербол Шаймерденұлы 2008 қазан - 2010 сәуір
- Бауыржан Жұмаханұлы Омаров 2010—2011
- Бауыржан Жұмаханұлы Омаров
- Мақсат Нұрлыбекұлы Сқақов 2012 - 2015
- Данияр Таумұратұлы Таумұрат (2014-2015)
- Қуаныш Жұмабекұлы Асылов (2014-2017)
- Әділбек Күнесханұлы Қаба (09.2020-2022)
- Ербол Ердембекұлы Тілешов 2023 жылғы 27 наурыз
Дереккөздер[өңдеу | қайнарын өңдеу]
- ↑ Саяси түсіндірме сөздік. – Алматы, 2007. ISBN 9965-32-491-3
- ↑ Қазақстан Республикасы Ғылым және жоғары білім министрлігінің Тіл саясаты комитетінің ережесін бекіту туралы
