Ізбасар Әбдірахманов
| Ізбасар Әбдірахманов | |||
| Туған күні | |||
|---|---|---|---|
| Туған жері | |||
| Қайтыс болған күні | |||
| Қайтыс болған жері | |||
| Марапаттары мен сыйлықтары |
| ||
Ізбасар Әбдірахманов (14 желтоқсан 1939, Ленино ауылы, Талдықорған ауданы, Алматы облысы, Қазақ КСР — 21 шілде 1975, Ленино ауылы, Талдықорған ауданы, Алматы облысы, Қазақ КСР) — Қазақ КСР, Алматы облысы, Талдықорған ауданы, Ленин атындағы ұжымшардың комбайншысы. Социалистік еңбек ері (1967).
Өмірбаяны[өңдеу | қайнарын өңдеу]
1939 жылы Талдықорған ауданы, Ленино ауылында шаруа отбасында дүниеге келген. Жергілікті мектепті бітіргеннен кейін механизация курстарында оқыды. 1958 жылдан бастап — Талдықорған ауданындағы Ленин атындағы ұжымшардың механизаторы.
Жыл сайын жоғары еңбек нәтижелерін көрсетті. Бірнеше рет ұжымшарлық социалистік жарыста алдыңғы қатардан көрінді. 1965 жылы 875 гектар, 1966 жылы 1050 гектар егін орып, 18 мың центнер астық бастырды. Сол жылы Талдықорған ауданы комбайншылары арасындағы социалистік жарыста бірінші орынды иеленді. КСРО Жоғарғы Кеңесі Төралқасының 1967 жылғы 19 сәуірдегі Жарлығымен «1966 жылы астық өндіру мен дайындауды арттыруда қол жеткізген табысы үшін» Ленин ордені және «Орақ пен балға» алтын медалімен (№ 14935) марапатталып, Социалистік еңбек ері атағы берілді.
1969-1973 жылдары Талдықорған индустриалды педагогикалық техникумында оқыды.
Туған жері Талдықорған ауданының Ленино ауылында тұрды. 1975 жылы маусым айында ауыр сырқаттан қайтыс болды.
Естелік[өңдеу | қайнарын өңдеу]
Туып-өскен Көксу ауданы, Мәмбет ауылының бір көшесіне оның есімі берілді.
Сілтеме[өңдеу | қайнарын өңдеу]
- Әбдірахманов Ізбасар. «Герои страны» сайты.