Александр Матвеевич Ершов

Уикипедия — ашық энциклопедиясынан алынған мәлімет
Jump to navigation Jump to search

Александр Ершов Матвеевич(1908, Солтүстiк Қазақстан облысы,Күршім ауданы,Славянка селосы - 21.2.1980) - 2-дүниежүзілік соғысқа катысушы, сержант, бөлімше командирі. З-Беларусь майданы 5-армия 371-атқыштар дивизиясының 1233-атқыштар полкі құрамында Ұлы Отан соғысына қатысты. 1944 жылы 17 шілдеде Неман өзенінен өтуде бөлімше командирі Ершов асқан ерлік жасады. Ол артиллерия мен пулеметтен толассыз атқылап, неміс авиациясы әуеден бастырмалатып шабуыл жасап жатқанына қарамай, келесі жағалауға бірінші болып өз бөлімшесімен өтті. Ершов бөлімшесі жақыннан дәлдеп атып, гранаталар лақтырып, жауды қырып салды. Ершов осы ұрыста бір өзі 12 жауды өлтірді. Жау қолма-қол ұрыска төтеп бере алмай, кейін шегінді. Қайсарлығы мен батырлығы үшін Ершовқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Ленин, «Қызыл Жұлдыз» ордендерімен,медальдармен марапатталған. Ершов соғыстан кейін өзінің туған жеріне оралып, ұжымшарда жұмыс істеді.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х