Алексей Мячеславович Данилов
| Алексей Мячеславович Данилов | |
| Алексей Мячеславович Данілов | |
.jpg) | |
| Туған күні |
7 қыркүйек 1962 (61 жас) |
|---|---|
| Туған жері |
Красный Луч (Хрустальний), Луганск облысы, Украина КСР |
| Азаматтығы | |
| Білімі |
Луганск мемлекеттік педагогикалық университеті, Шығыс Украина ұлттық университеті |
| Партиясы |
Украина социал-демократиялық партиясы, Еркін демократтар партиясы |
| Мансабы |
мал дәрігері, заңгер, мұғалім, менеджер, кәсіпкер |
| Жұбайы |
Людмила Владимировна Перегудова |
Алексей Мячеславович Данилов (укр. Алексей Мячеславович Данілов; 7 қыркүйек 1962 жыл, Луганск облысы, Красный Луч, Украина КСР) — украиндық мемлекет және саяси қайраткер. Луганск облысының губернаторы (2005), 5-ші шақырылымдағы Украина халық депутаты (2006-2007). Украина Ұлттық қауіпсіздік және қорғаныс кеңесінің хатшысы (2019 жылғы 3 қазан – 2024 жылғы 26 наурыз).[1]
Өмірбаяны[өңдеу | қайнарын өңдеу]
Данилов 1962 жылы 7 қыркүйекте Украина КСР Луганск облысы, Красный Луч (Хрустальний) қаласында дүниеге келген. Оның тәрбиесімен өгей әкесі Вячеслав айналысқан, бірақ құжаттардағы қателіктен әкесінің атындағы «Б» әрпі «М» әрпіне айналып, Мячеславович деген оғаш есімді алған.
Данилов 1981 жылы Старобель кеңшар техникумын ветеринария мамандығы бойынша бітірген. 1999 жылы Данилов Тарас Шевченко атындағы Луганск мемлекеттік педагогикалық университетінде тарих пәнінің мұғалімі мамандығы бойынша диплом алды. 2000 жылы В.Даль атындағы Шығыс Украина ұлттық университетін басқарушы мамандығы бойынша және Украина ІІМ Луганск Ішкі істер институтын заңгер мамандығы бойынша бітірген. 1981-1983 жж — Кеңес Армиясы қатарында қызмет етті. Әскери қызметтен кейін Алексей Луганскіге оралып, мәдениет және демалыс саябағындағы «хайуанаттар бағында» жұмыс істейді.[2] Данилов - коллекционер. Оның 102 картинасы, 495 фарфор мүсінінің коллекциясы және 20 мың кітабы бар.[3]
Отбасы[өңдеу | қайнарын өңдеу]
1992 жылдан бері жұбайы - Людмила Владимировна Перегудова (1962 ж.т.), төрт баласы мен жеті немересі және үлкен ағасы мен жиені бар.
Қызметі[өңдеу | қайнарын өңдеу]
- 1987 жылы Данилов өзінің кәсіпкерлік қызметін «Белый аист» кооперативін құру және басқарудан бастады.
- Ал 1991-1994 жылдары Луганск қаласындағы «Вера» жеке кәсіпорнының директоры болды.
- 1994 жылы шілдеде Алексей Данилов Луганск қаласының мэрі болып сайланды. Ол 1997 жылдың қыркүйегіне дейін басшы қызметін атқарды.
- 1996 - 1997 жылдар - Украина социал-демократиялық партиясының мүшесі.
- 1999-2002 жылдары Данилов Северодонецк қаласындағы В.Даль атындағы Шығыс Украина ұлттық университетінің менеджмент кафедрасының аға оқытушысы болды.
- 2001 жылы «Луганск бастамасы» қоғамдық ұйымын құрып, басқарды.
- 2000 жылдың маусымында Алексей Данилов Еркін демократиялық партияның саяси кеңесінің мүшесі, ал 2002 жылдың қазанынан 2005 жылға дейін партия төрағасының орынбасары болды.
- Сонымен бірге 2002-2005 жылдар аралығында Еуропалық интеграция және даму институты директорының орынбасары болды.[4][5]
Саяси мансабы[өңдеу | қайнарын өңдеу]
- 1996-1997 жж - Украина социал-демократиялық партиясы (біріккен) мүшесі.
- 2000 жылдың маусымынан 2005 жылға дейін - «Яблоко» партиясы саяси кеңесінің мүшесі, 2002 жылдың қазанынан - партия төрағасының орынбасары.
- 2004 жылы - президенттікке кандидат Виктор Ющенконың Луганск облыстық штабының жетекшісі.
- 2006 жылдың мамырынан 2007 жылдың қарашасына дейін - Юлия Тимошенко блогынан 5-шақырылымдағы Украина Жоғарғы Радасының халық депутаты, № 42 тізімде. Мемлекеттік құрылыс, аймақтық саясат және жергілікті өзін-өзі басқару комитетінің мүшесі.
- 2007 жылдың қыркүйегінде - еркін демократтар партиясынан Украина халық депутаттығына кандидат, тізім бойынша №6.[6][7]
ҰҚК хатшысы қызметі[өңдеу | қайнарын өңдеу]
Алексей Данилов Владимир Зеленский тұсында Украина Ұлттық қауіпсіздік кеңесінің хатшысы қызметін атқарды. Біріншіден, 2019 жылдың шілде-қазан айлары аралығында Алексей Мячеславович Ұлттық қауіпсіздік және қорғаныс кеңесі хатшысының орынбасары болып тағайындалып, ал қазан айында Қауіпсіздік кеңесінің хатшысы қызметін қабылдады.
Бұл позицияда Данилов өзін өте сыпайы ұстап және өзін аудиторияға жақсы жағынан көрсетуді білді. Ол орыс экспансиясына қарсы табанды және ымырасыз күресіп, украин халқының қорғаушысы рөлін қалыптастырды. Оның жауынгерлік мақсаттары өте агрессивті болды. Сондықтан Данилов орыс тілі қарапайым украиндықтардың миын жуу және орысша үгіт-насихат жасау әдістерінің бірі, сондықтан оған Украина аумағында толығымен тыйым салу керек деп мәлімдейді. 2022 жылдың қарашасында Алексей Данилов Украина өз территориясының тұтастығын қалпына келтірмейінше, Ресеймен келіссөздер жүргізу мүмкін емес деп мәлімдеді. Ал ол үшін Батыс одақтастары Украинаға мүмкіндігінше қару-жарақ жеткізуі керек. Ол сондай-ақ 9 мамырда Қырым көпірін жарып, Беларуське алдын ала соққы береді.[8]
Дереккөздер[өңдеу | қайнарын өңдеу]
- ↑ Халық/саясат және әкімшілік/Алексей Мячеславович Данилов https://globalkiev.biz/person/id/179
- ↑ Алексей Данилов/Alexey Danilov/ https://www.peoples.ru/state/politics/alexey_danilov/
- ↑ Мячеславтың ұлы. Неліктен Алексей Данилов Ұлттық қауіпсіздік және қорғаныс кеңесінің хатшысы болды? https://ctrana.media/news/225622-aleksej-danilov-snbo-chto-izvestno-o-novom-sekretare-soveta-bezopasnosti.html
- ↑ Данилов Алексей https://parlament.ua/ru/dossier/danilov-aleksej/
- ↑ Данилов Алексей Мячеславович: Ресеймен соғысты болжаған Луганск қаласының бұрынғы мэрі және губернаторы https://politeka.net/person/1118865-danilov-aleksej-mjacheslavovich-byvshij-luganskij-mjer-i-gubernator-predskazavshij-vojnu-s-rossiej
- ↑ Данилов Алексей https://file.liga.net/persons/danilov-aleksey
- ↑ Саяси қайраткер Алексей Данилов: өмірбаяны, қызметі және қызықты фактілері https://fb.ru/article/278210/politicheskiy-deyatel-aleksey-danilov-biografiya-deyatelnost-i-interesnyie-faktyi
- ↑ Алексей Даниловтың өмірбаяны мен жеке өмірі, оның әйелі, мансабы және саясаткер ретіндегі табысы https://1stalin.ru/biografii/biografiya-i-lichnaya-zhizn-alekseya-danilova-ego-zhena-karera-i-uspeh-politika