Володимир Олександрович Зеленський

Уикипедия — ашық энциклопедиясынан алынған мәлімет
Jump to navigation Jump to search

Володимир Олександрович Зеленський
Володимир Олександрович Зеленський
Лауазымы
Ту
Украина Республикасының 6-президенті
Ту
20 мамыр 2019 жыл
Ізашары Петро Порошенко
Өмірбаяны
Партиясы: партиясыз[1]
Мамандығы: саясаткер, заңгер, актёр, ысқақшы, сценарист, тележүргізуші, кинопродюсер, телепродюсер, әнші, пародист, шоумен
Дүниеге келуі 19 қаңтар 1978(1978-01-19) (41 жас)
Кривой Рог, Днепропетровск облысы, УКСР, КСРО
Әкесі Олександр Зеленський
Анасы Римма Зеленска
Жұбайы Олена Зеленска
Балалары Олександра, Кирило
Сайты ze2019.com
Қолтаңбасы Қолтаңбасы
Володимир Олександрович Зеленський Ортаққорда

Володимир Олександрович Зеленський (1978 жылдың 25 қаңтарында туған, Кривой Рог, Днепропетровск облысы, УКСР, КСРО) – Украина мемлекеттік және саяси қайраткері, сценарист, актёр, продюсер. 2019 жылы өткен сайлауда сайланған Украина Республикасының 6-президенті[2].

Саяси мансабын бастамас бұрын заң мамандығы бойынша оқып, фильм, мультфильм және телекомедия түсіретін «Квартал 95» өндіріс компаниясын құрған[3]. Квартал 95 компаниясы 2015 және 2019 жылдар аралығында Зеленський Украина президентінің рөлін сомдайтын "Халық малайы" атты телесериал түсірген. Дәл осы атаумен компания 2018 жылдың наурыз айында саяси партия құрды[4][5].

Зеленський сайлауға түсетіндігін 1+1 телеарнасында 2018 жылдың 31 желтоқсаны лауазымдағы Украина президенті Петро Порошенконың жаңа жылдық құттықтау сөзінің алдында жариялады[6]. Володимир Зеленський сайлауда дауыстың 73,22 % жинап, лауазым иеленушісі Петро Порошенконы жеңіп шықты[7].

Өмірбаяны[өңдеу]

Nuvola apps kview.svg Сыртқы медиафайлдар
Searchtool.svg Анасымен

Володимир Олександрович Зеленський 1978 жылдың 25 қаңтары Кривой Рог (Украина КСР) қаласында, жүйіт отбасында дүниеге келген. Орыс, украин және ағылшын тілдерін меңгерген. Әкесі – Олександр Семенович Зеленський (1947 жылдың 23 желтоқсаны туған) математик, программист, техника ғылымдарының докторы, профессор, Володимир оқыған ЖОО-да информатика кафедрасының меңгерушісі, оқытушы.

Әкесі 20 жыл Моңғолияда тұрып, Эодэнэт қаласында кен-байыту комбинатында жұмыс істеген.

Анасы – Римма Володимирівна Зеленська (1950 жылдың 16 қыркүйегі туған) — зейнеткер, 40 жыл инженер болып жұмыс істеген.

Балашағында ата-анасымен 4 жыл Моңғолияда тұрған. Сол жерде бірінші сынып аяқтаған. Кейін Володимир анасымен Кривой Рогқа қайтады. Ағылшын тілі тереңдетіліп оқытылатын қалалық № 95 мектепте оқиды. Мектеп кезінде грек-рим күресімен, ауыр атлетикамен, бал биімен, марка жинаумен айналысқан, пианинода ойнайды, баскетбол мен волейболда ойнаған. Мектеп ішілік шараларға белсене қатысып, ансамбльде гитарист болған. 16 жасында Израильде тегін оқу грантын иеленеді, алайда әкесі қарсы болып, бармай қалады.

1995 жылы оқуын аяқтаған. Мектеп кезінде дипломат болғысы келген, тіпті Киев халықаралық қатынастар институты жаңа әрі танымал болмағандықтан, Мәскеу мемлекеттік халықаралық қатынастар институтына түсуге дайындалған, алайда Киев ұлттық экономика университетінің Кривой Рогтағы экономика институтына түседі. Екі айлық тәлімдемені есептемегенде мамандығы бойынша жұмыс істемеген.

Отбасы[өңдеу]

Зайыбы (2003 жылдың 6 қыркүйегінен) — Олена Володимирівна Зеленська (тума Кияшко, 1978 жылдың 6 ақпаны туған) — білімі бойынша құрылысшы, Кривой Рог техника университетін қызыл дипломға аяқтаған, сценарист, «Квартал-95» Студиясының авторы, мектеп кезінен таныс, көрші сыныпта оқыған, құрбысы әрі кіндік шешесі – Елена Кравец.

Қызы — Олександра (2004 жылдың 15 маусымы туған), кіндік әкесі – Сергей Кравец, Елена Кравецтің жұбайы, 2014 жылы «8 нових зустрічей» атты фильмде бас кейіпкердің қызы Сашаның рөлін сомдаған; 2016 жылы «Розсміши коміка. Діти» шоуына қатысып, 50 000 гривен ұтып алға.

Ұлы — Кирило (2013 жылдың 21 қаңтары туған).

Дереккөздер[өңдеу]