Анатолий Иванович Ненашев

Уикипедия — ашық энциклопедиясынан алынған мәлімет
Jump to navigation Jump to search


Анатолий Иванович Ненашев
Дүниеге келгені: 5.1.1903
Тамбов қаласы Ресей
Қайтыс болғаны: 28.9.1967
Алматы
Мансабы: театр суретшісі

Анатолий Иванович Ненашев (5.01.1903, Тамбов - 28.09.1967, Алматы) – театр суретшісі, Қазақ КСР-інің еңбек сіңірген өнер қайраткері (1954).

Өмірбаяны[өңдеу]

  • Тамбов көркемсурет училищесінде оқыған.
  • 1930 жылдан Алматы қалысында тұрып, шығармашылық қызметпен айналысты.
  • Қазақ муз. театрының (қазіргі Қазақтың мемлекеттік академия опера және балет театры) бас суретшісі болды (1933 – 65).

Еңбектері[өңдеу]

Оның эскиздері бойынша театрда қойылған

  • И.В. Коцык пен М.Әуезовтің “Айман – Шолпан” (1938, 1943)
  • Е.Г. Брусиловскийдің “Қыз Жібек” (1934, 1945, 1955; опера декорациясының макеті үшін Париж қаласында ұйымдастырылған Бүкіл дүниежүзілік. өнер көрмесінің алтын медалі берілді, 1937)
  • “Жалбыр” (1935)
  • “Ер Тарғын” (1937, 1954)
  • “Дударай” (1953, 1957)
  • М.Төлебаевтың “Біржан – Сара” (1946, 1957; КСРО Мемлекеттік сыйлығы, 1949)
  • Дж. Вердидің “Аида” (1948)
  • Н.А. Римский-Корсаковтың “Патша қалыңдығы” (1952, 1957)
  • Ю.С. Мейтустың “Жас гвардия” (1955)
  • П.И. Чайковскийдің “Қарғаның мәткесі”
  • Т.Н. Хренниковтың “Дауылда”
  • І.Қожамияровтың “Назугум” (үшеуі де 1956)
  • Дж.Россинидің “Севиль шаштаразы” (1957) спектакльдеріне арналған киімдер мен декорация эскизін жасады.

Поэзияға толы түр-түс сәнділігі, ықшамдылық пен ашық бейнелі шешім Ненашевтің суреткерлік шығармасына тән сипаты Қазақтың мемлекеттік академия драма театрында қойылған Әуезовтың “Тас түлек”, Ғ.Мүсіреповтың “Қозы Көрпеш – Баян сұлу” (1953), Әуезов пен Л.С. Соболевтың “Абай” (1962), А.С. Пушкиннің “Шағын трагедиялар”, Ш.Айтматовтың “Ана – Жер-Ана” (екеуі де 1964; Мемлекеттік сыйлығына, 1966), тағы басқа спектакльдерді көркемдеді.

Марапаттары[өңдеу]

“Құрмет белгісі” орденімен және медальдармен марапатталған.[1][2]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  2. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том 2 бөлім