Анатолий Сергеевич Смолин

Анатолий Сергеевич Смолин 1959 жылы 5 тамызда Ақмола облысы Новочеркасск ауданының Жалтыр ауылында туған. Орыс. Свердлов заң институтының заң факультетін бітірген (1986), құқықтанушы. 1977 жылдан - РКФСР Свердлов облысының Асбест қаласындағы асбест байыту фабрикасының конвейер машинисі. 1978 жылдан - Көкшетау тас уату зауытында ДСЦ-2 ауысым шебері. 1978-1981 жылдары - ӘТФ қатарында қызметте. 1986 жылдан - Көкшетау облыстық сотында сынақ мерзімінен өтуші. 1987 жылдан - Көкшетау облысы Красноармейск аудандық сотының судьясы, 1990 жылдан - сот төрағасы. 1996 жылдан - СҚО Тайынша аудандық сотының төрағасы. 1998 жылдан - Солтүстік Қазақстан облыстық сотының қылмыстық істер женіндегі алқасының терағасы. 2002 жылдан - ҚР Жоғарғы сотының судьясы. 2007 жылдан - ҚР Жоғарғы сотының қадағалау алқасының төрағасы. 2010 жылдың ақпан айынан бері - ҚР Жоғарғы сотының судьясы. «Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен, ҚР Судьялар одағының «Үш би» құрмет белгісімен марапатталған(2009). Әскери атағы - лейтенант. Саяси қайраткер ретіндегі идеалы - «Судьялар саясаттан тыс болады». Қазақстанның болашағы туралы болжамы - «Өркендеген мемлекет». Хоббиі - спорт, аңшылық. Сүйіп оқитын әдебиеті - көркем әдебиет. Үйленген. Жұбайы - Смолина Зинаида Вильгельмовна (1964 жылы туған). Қызы - Смолина Татьяна Анатольевна (1985 жылы туған); ұлы - Смолин Сергей Анатольевич (1987 жылы туған).