Анджело Бадаламенти

Уикипедия — ашық энциклопедиясынан алынған мәлімет
Jump to navigation Jump to search
Анджело Бадаламенти
Туған күні

22 наурыз 1937 (1937-03-22) (83 жас)

Туған жері

Бруклин, Нью-Йорк, АҚШ

Мемлекет

Америка Құрама Штаттары АҚШ

Аспаптары

пианино, фортепиано

Жанрлары

Джаз, эмбиент

www.angelobadalamenti.com

Анджело Бадаламенти (ағылш. Angelo Badalamenti) — америкалық пианист пен композитор. Көбінен режиссер Дэвид Линчтің кино мен сериалдарына музыка жазған автор ретінде танылған. Жалпы алғанда, 70-тен аса кинотуындыға музыка жазып алған.

Өмірбаяны[өңдеу]

Ол Бруклинде 1937 жылы 22 наурызда туды. Шешесі Сицилиядан, әкесі континенттік Италиядан келген азаматтар еді.[1] Балалық шақтан операмен және классикалық музыкамен әуестенген. Сегіз жастан бастап фортепианода ойнауды үйрене бастады. Жеткіншек болған кезде, музыка ойнауды үйренген ол Катскилл тауларында әншілердің гастрольдеріне аккомпанемент жасап ақша таба бастаған.[2] Кейін ол Истман музыка мектебін және Манхэттендік музыка мектебін бітіріп шығады.

«Көк барқыт» фильмін түсіру барысында Изабелла Росселиниге ән айтуды үйретуге шақырылған Бадаламенти режиссер Линчпен достасып, көп жылдарға созылған әріптестікті сақтап тұрады. Алғашқыда Росселлини «Song to the Siren» әнін орындау керек еді, бірақ оған авторлық құқығы режиссерде жоқ еді. Сонда Линч «Mysteries of Love» атты жаңа әннің сөздерін жазып, музыкасын Бадаламентиге тапсырып қояды. Бұған қоса Бадаламентиді осы фильмде ұсақ эпизодта ойнауға шақырады.

Марапаттары[өңдеу]

  • 1990, «Грэмми» сыйлығы — «Twin Peaks Theme» үздік инструменталды поп-орындау
  • 1992, «Сатурн марапаты» — Үздік музыка үшін
  • 1993, «Тәуелсіз рух» сыйлығы — «Twin Peaks: Fire Walk with Me» үздік түпнұсқалық саундтрек
  • 2005, «World Soundtrack Award» сыйлығы — Жалпы композиторлық жетістіктері үшін
  • 2011, Генри Манчини сыйлығы — Америкалық сазгерлер, авторлар мен шығарушылар қоғамы атынан

Таңдаулы фильмографиясы[өңдеу]

  • 1986 — Көк барқыт / Blue Velvet
  • 1987 — A Nightmare on Elm Street 3: Dream Warriors
  • 1990 — Wild at Heart
  • 1990 — Твин Пикс / Twin Peaks (телесериал)
  • 1992 — Twin Peaks: Fire Walk With Me
  • 1995 — La Cité des enfants perdus
  • 1997 — Lost Highway
  • 1999 — The Straight Story
  • 1999 — Arlington Road
  • 2000 — Жағажай / The Beach
  • 2001 — Малхолланд Драйв / Mulholland Drive
  • 2002 — Secretary
  • 2004 — Evilenko
  • 2004 — Napola — Elite für den Führer
  • 2004 — Un long dimanche de fiançailles
  • 2005 — Dark Water
  • 2006 — The Wicker Man
  • 2009 — 44 Inch Chest
  • 2013 — Сталинград
  • 2017 — Твин Пикс: Оралу (телесериал)

Актерлық жұмысы[өңдеу]

Бадаламентидің жалғыз актерлық жұмысы «Малхолланд Драйв» фильміндегі Луиджи Кастельяни рөлі болды. Ол тағы кішкене эпизодтарда «Тікелей эфирде» және «Твин Пикс: Оралу» сериалдарында, «Көк барқыт» фильмінде пианистың рөлін ойнады.

Олимпиадаға қосқан үлесі[өңдеу]

Бадаламенти Барселонада өткен 1992 жылғы Жазғы Олимпиада ойындарындағы басты музыкалық шығарманың авторы.

Дереккөздер[өңдеу]

  1. Brian Wise. David Lynch's Not-So-Silent Partner — The New York Times, 22-05-2005.
  2. Sam Richards. Only musicians can save music — Contemporary Music Review, 12-1996.