Антон Рохусович Шох

Антон Шох
Жалпы мағлұмат
Туған күні	7 қаңтар 1960 (1960-01-07)
Туған жері	Жамбыл
Қайтыс болған күні	7 наурыз 2009 (2009-03-07) (49 жас)
Азаматтығы	КСРО  Қазақстан
Бойы	188
Позиция	жартылай қорғаушы
Клуб карьерасы 1978—1979 Химик ? (?) 1979—1985 Қайрат 170 (21) 1986—1989 Днепр 86 (5) 1990 ЛАСК ? (0) 1990 Металлург (Запорожье) 25 (2) 1991 Хапоэль Цафририм ? (?) 1991 Ротор 14 (0) 1992 Ворскла 0 (0) 1992 Нива (Тернополь) 2 (0) 1992 Кремень 2 (0) 1993 РоПС 20 (1) 1994—1995 Эвис 11 (3) Бапкерлік карьерасы 1995—1996 Эвис асс 1997 Спартак-Орехово асс 1998 Навбахор асс 2000—2001 Сокол асс 2002 Ротор-д 2003 Ротор асс 2004 Атырау асс 2004—2005 Қазақстан асс 2004—2006 Қазақстан-21 2007 Содовик тренер 2009 Атырау 2009 Қазақстан-21

Антон Рохусович Шох (7 қаңтар 1960 жыл, Жамбыл — 7 наурыз 2009 жыл, Өскемен) — КСРО-лық және қазақстандық футболшы, футбол жаттықтырушысы.

Карьерасы

Футболшы

Тегі Еділ маңындағы неміс. Әкесі Шох Рохус 50-жылдары репрессияға ұшырап, 2000 жылы ақталды.

1978 жылы "Химик" сапында карьерасын бастады. Тұңғыш ойынын 1979 жылы 24 мамырда "Мелиораторға" қарсы өткізіп, тоқсан минут толық ойнады да, бір гол соқты.

1979-85 жылдары "Қайратта" ойнап, 170-тен аса кездесуде алаңға шықты. "Қайрат" сапындағы тұңғыш ойынын 1979 жылы 1 қыркүйекте "Шахтер" (Донецк) клубына қарсы өткізді. Тұңғыш голын сол жылы 17 қазанда "Заря" қақпасына енгізді, бұл ойын 1:1 есебімен тең аяқталды. Екінші голын сол жылы 16 қарашада "Локомотив" қақпасына соқты. 1985 жылғы КСРО чемпионатында сегіз голдың авторы атанды. "Қайрат" сапындағы ең соңғы кездесуін 1985 жылы 19 қарашада болашақ клубы "Днипроға" қарсы өткізді, бұл ойында Шох бір гол соқты да, 80-минутта алмастырылды. Бұл кездесуде "Қайрат" 3:4 есебімен ұтылып қалды.

1986 жылы "Днипроға" ауысты. "Днипро" сапындағы тұңғыш ойынын 16 наурызда "Зенитке" қарсы өткізді. Тағдыр тәлкегімен, днипролықтар сапындағы тұңғыш голын сол жылы 2 мамырда "Қайраттың" қақпасына соқты, Алматыда өткен ойын 2:2 есебімен тең аяқталды. 17 қыркүйекте еуротурнирлердегі дебютін "Легияға" қарсы өткізді, бұл УЕФА кубогының бірінші кезеңі болатын.

1988 жылы 8 наурызда "Динамо Киевке" қарсы ойында команда капитаны ретінде алаңға шықты. КСРО чемпионы атанды.

1990 жылы Аустрияның ЛАСК клубымен келісім шарт жасасты. Кейін тағы да КСРО, Украина, Финляндия клубтарында ойнап, 1995 жылы карьерасын аяқтады. Сол жылы жаттықтырушы карьерасын Украинаның "Эвис" клубында бастады.

Бапкерлік

2004 жылы 19 жылдық үзілістен соң Қазақстан футболына қайта оралып, "Атыраудың" бас жаттықтырушысы боп тағайындалды. 2004-05 жылдары Қазақстан Ұлттық футбол құрамасының бас бапкері Сергей Тимофеевтің көмекшісі болды. Сонымен бірге Қазақстан жастар құрамасының да бас бапкері қызметін қатар атқарды.

2009 жылы тағы да "Атырауға", сосын Қазақстан жастар құрамасына бапкер болды. Сол жылы наурыз айында "Восток"-"Атырау" матчынан соң кенеттен қайтыс болды. Волгорадқа, ата-бабаларының жанына жерленді.

Жетістіктері

Днипро

• КСРО чемпионы: 1988
• КСРО чемпионатының күміс жүлдегері: 1987, 1989
• КСРО кубогы: 1989

Сілтемелер

• Профилі (Transfermarkt сайтында)