Арсланбек Сұлтанбеков

Уикипедия — ашық энциклопедиясынан алынған мәлімет
Jump to navigation Jump to search

Арсланбек Сұлтанбеков (23 сәуір, 1965 ж. д.к.) — Түркі әлемінде домбырада өнер көрсетуімен танымал ноғай халық жырауы, домбырашысы, әрі ақыны.

Өмірбаяны[өңдеу]

Арсланбек Сұлтанбеков 1965 жылы, 23 ақпанда, Қарашай-Черкес автономиялы облысында (ол кезде Совет Одағы). Ол мектепті 1983 жылы бітірді. 1985 жылға дейін әскери борышын Архангельск облысында өтеді.

1985 жылы классикалық гитара сыныбы бойынша музыка мектебін тәмамдады. 1989 жылы Ноғай саз тобын құрып, Nogay Keşeler (Ноғай түндері) атты тұңғыш CD альбомын шығарды. Сол жылы Қарашай-Черкес Республикасының бардтар (ақындар) сайысында бірінші орынды жеңіп алды. 1994 жылы "Қарашай-Черкес Республикасының Халық әртісі" және "Республиканың ең көркем даусы" атақтарына ие болды. Ол өзі зерттеген Шалкиіз Тіленшіұлы, Асан қайғы Сәбитұлы, Қазтуған Сүйінішұлы және Доспамбет жырау секілді XV-XVII ғғ ақындарының жырларына ән жазды.

1997 жылы Санкт-Петербургте Nogai El (Ноғай елі) атты екінші CD альбомын жарыққа шығарды. Сондай-ақ, 1997 жылы ол Мәскеуде өткен Түркі халықтары фестиваліне қатысты. Арсланбектің әндерінің бірі "Фестиваль әні" номинациясын жеңіп алды. 2004 жылы Арсланбек Сұлтанбеков Қазақ елінің елордасы – Астанаға көшіп барды, мұнда ол Қазақстанның президенттік оркестрінде өнер көрсетеді. 2005 жылы Жеңістің 60 жылдығына арналған әскери-патриоттық әндер конкурсында екі бірдей жүлдені ұтып алды[1]. 2008 жылы ол Қазақстанда жүріп, өзінің Ащы су (Aşşı Su) атты тағы бір CD альбомын жарыққа шығарды.

Отбасылы, бір ұл, бір қызы бар.

Дискографиясы[өңдеу]

  • Ноғай түндері (Nogay Keşeler) (1992)
  • Ноғай елі (Nogay El) (1998)
  • Ащы су (Aşşı Su) (2008)

Сыртқы сілтемелер[өңдеу]

Дереккөздер[өңдеу]