Атырау қаласындағы Назарбаев Зияткерлік мектебі
Атырау қаласындағы химия-биология бағытындағы Назарбаев Зияткерлік мектебі елбасының бастамасымен он бесінші болып, 2013 жылдың қыркүйек айының 11 жұлдызында ашылған болатын. Мектеп 720 орынға арналған. 120 жатақхана орны бар. Қазіргі таңда мектепте 701 оқушы білім алуда. Алғашқы мектеп директоры - Акимова Тавиля Адиетқызы болды. Ал бүгінгі таңда директор қызметін Айтпукешов Айдарбек Төлепұлы атқаруда.
Тарихы[өңдеу | қайнарын өңдеу]
Атырау қаласындағы химия-биология бағытындағы Назарбаев Зияткерлік мектебі 2013 жылы 11 қыркүйек күні ашылды. Мектептің ашылу салтанатына облыс әкімінің бірінші орынбасары Ғұмар Дүйсембаев қатысты.
Білім беру[өңдеу | қайнарын өңдеу]
Мектеп оқу процесін оңтайландыру мақсатында заманауи технологиялармен жабдықталған. Компьютер және интерактивтік тақталармен қамтамасыз етілген 60 оқу бөлмесі бар. Арнайы конкурстан өткен аймақтағы ең үздік деген мұғалімдер «Назарбаев зияткерлік мектебіне» жұмысқа қабылданды. Жергілікті білім беру саласының қызметкерлерімен бірге мектепте шет елдерден шақыртылған 30 мұғалімдер білім береді. Назарбаев Зияткерлік мектебі үш тұғырлы тіл саясатын ұстанады, яғни сабақ орыс, ағылшын, қазақ тілінде өтеді.
Жетістіктер[өңдеу | қайнарын өңдеу]
Атырау қаласындағы Назарбаев Зияткерлік мектеп оқушылары әр түрлі спорттық, мәдени шараларға белсенді қатысып, жүлделі орындарға иеленуде. Назарбаев Зияткерлік мектептерінің арасында өткен қыздар волейболында 1 орынға, ұлдар 2 орынға иеленді. Шахматтан 2 орынға бекінді. Қолөнерден де оқушыларымыз өнерлерін шыңдау арқылы, әр түрлі сайыстарға белсенді қатысуда. "Актер шеберлігі" жөнінен оқушылар облыстық "Жайдарман" сайысының қатысушылары.