Ағай (фильм)

Уикипедия — ашық энциклопедиясынан алынған мәлімет
Jump to navigation Jump to search
Ағай
아저씨
Жанры

экшн, триллер

Режиссёрі

Ли Джон Бом

Продюсері

Ли Тэ Хон

Сценарийдің авторы

Ли Джон Бом

Басты рөлдерде

Вон Бин
Ким Сэ Рон

Операторы

Ли Тхэ Юн

Композиторы

Сим Хён Джон

Кинокомпания

Cinema Service, Opus Pictures, United Pictures

Ұзақтығы

119 мин.

Кассалық түсімі

$ 43 млн

Мемлекет

 Корея Республикасы

Тілі

кәрісше

Шыққан жылы

2010

IMDb

ID 1527788

«Ағай» (кор. 아저씨, Аджосси, ағылш. The Man from Nowhere) — Оңтүстік Кореялық фильм. Басты рөлді екі жылдық үзілістен кейін актёр Вон Бин ойнады. Фильм - 2010 жылғы Кореядағы түсімі бойынша, рекорд жасаған фильм. 2010 жылдың 1 қазанында АҚШ пен Канада елінде айналымға жіберілді. Ресейде ресми түрде экранға шықпады.

Сюжеті[өңдеу]

Чха Тхэ Сик — тыныш аудандағы кішігірім ломбард иесі. Оның өмірі тыныш өтіп жатты. Оның араласатын жалғыз адамы Со Ми атты кішкентай қыз еді. Со Мидың анасы Хё Джон нашақор досымен қылмыскерлерге тиесілі есірткіні ұрлап кетеді. Қылмыскерлер адам мүшелерін саудалаумен айналысатын. Олар Хё Джондыы өлтіріп, мүшелерін сатып, Со Миды ұрлап кетеді. Ағайынды Мансук пен Ченсук қылмыскерлердің басшысы болатын. Олар Тхе Сикке телефон арқылы бұйрық беріп отырады. Олардың бұйрығы бойынша Тхе Сик Мансуктің жауы Оха Мен Кюге есірткі алып барады. Мансук дәл сол уақытта полицияға Оха Мен Кю есірткі сақтайды деп хабар беріп, оны ұстап беруге тырысады. Оха Мен Кю полициядан қашуға әрекет жасайды. Тхе Сик оның соңынан қуамын деп, жан түршігерлік көрініске куә болады. Ол мінген көлікте Хё Джонның мүшелері алынған жансыз денесі жатады. Ал Со Миды құтқаратын жалғыз адам Чха Тхе Сик еді. Ол Со Миды құтқарып, Мансук пен Ченсуктің көзін құртады.

Басты рөлдерде[өңдеу]

  • Вон Бин — Чха Тхэ Сик
  • Ким Сэ Рон — Со Ми
  • Ким Тхэ Хун — Ким Чхи Гон
  • Ким Хи Вон — Ман Сок
  • Ким Сон О — Чжон Сок
  • Танаёнг Вонгтракул — Рамрован
  • Ким Хё Со — Хё Джон, Со Мидың анасы
  • Ли Джон Пхиль — тергеуші Но

Сыншылардың мойындауы[өңдеу]

«Ағай» 2010 жылғы корей киномаусымының марапаттау рәсімінде ең көп марапат (7) алған фильм, онымен қоса ең үздік ер адам рөлі марапатын алды (Вон Бин). Экшн-фильм, Ли Джон Бомның еңбегінің арқасында үздік ер адам рөлі, үздік әйел адам рөлі, үздік операторлық жұмыс, үздік музыка, үздік жарық, үздік визуалды әсерлер, және үздік монтаж номинацияларының иегері болды. Фильм жылдың ең танымал фильміне айналды, оны тамашалағандар саны 6 млн адам болды.

Қызықты деректер[өңдеу]

  • Фильмнің сценарийі бастапқыда 60 жастағы қарт адамға арналып жазылды. Алайда, ол кейіннен өзгертіліп, 40 жастағы ер адамға арналып жазылды.
  • Актёр Вон Бин - таэквондо бойынша қара белбеу иесі.
  • Вон Бин фильмнің сценарийін кездейсоқ оқып, режиссёрге бірден, өзін басты рөлге қою жөнінде өтініш білдіреді.
  • Фильмдегі қоян-қолтық төбелес эпизодтарында актёр Вон Бин режиссёрдің қарсылығына қарамастан өзі ойнады
  • Чха Тхе Сик терезеден секіретін эпизодта, оператор актёрмен бірге терезеден секірді.