Ақсу-аюлы ән-би ансамблі

Уикипедия — ашық энциклопедиясынан алынған мәлімет
Jump to navigation Jump to search

Ақсу-аюлы ән-би ансамблі, Шет ауданының орталығы Ақсу-Аюлы ауылының мәдениет үйі жанынан құрылған (1975). 1996 ж. қазан айында республика байқауда «халық ансамблі» атағына ие болды.


Ансамбльді ұйымдастыруда Алматыдан әнші-композитор Ә. Бейсеуов, ақын С. Сейтқазин шақырылып, үлкен жұмыстар атқарылды (1975). Аудан өнерпаздары ішінен әнші, биші, күйшілер іріктеліп алынды. Ансамбльді құруға Төлеубай Әбдіғалиев, сонымен қатар М. Омаров, С. Түсіпбеков, Ы. Төлегенов, А. Рашитов, К. Қасымбекова, С. Каппарова, 3. Сүйіндікұлы, Г. Ошақбаева, М. Медеуова, Б. Өтегенова т. б. атсалысты.


Ансамбльдің табыстары теледидардан жиі көрсетіліп, жемісті еңбектері насихатталып отырды. Абай әндерін насихаттауда облыстық «Ұлытау үні» фестивалінің лауреаты, ансамбль әншілері А. Мұқашевтың, Б. Қойшыбаевтың, Е. Түсіпбековтің қосқан үлесі қомақты. Шет ауданы жерінде өткізіліп тұратын бүркітшілердін халықаралық «Салбуырын» сайысында ансамбль арнайы концерттік бағдарлама әзірлеп, облыс, республикадан және шетелдерден келген қонақтарға мәдени қызмет көрсетіп, ризашылыққа бөленді. Халық ансамблі жерлес ақын Маясар әндерін, күйші Қыздарбек, Сембектердің күйлерін дәріптеуде қосып жүрген үлесі аса елеулі. Ансамбльдің репертуары сан алуан. Ансамбль реперпуарынан қазақ халқының жұртшылықка кең танымал сазгерлерінің әндері мен күйлері: Құрманғазы, Тәттімбет, Әбди, Динаның күйлері, Н. Тілендиев, Ш. Қалдаяқов және жергілікті композиторлардың әндері орын алған.

Халық ансамблі құрамында 60-қа жуық әнші, биші, күйшілер бар (2006).[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5