Ақтөбе ауылдық округі (Маңғыстау облысы)
Басқа мағыналар үшін Ақтөбе ауылдық округі деген бетті қараңыз.
Ақтөбе ауылдық округы – Маңғыстау облысы, Маңғыстау ауданындағы әкімшілік бірлік. Құрамына Үштаған, Жарма, Сазды ауылдары кіреді. Тұрғыны 2,0 мың адам. Орталығы – Үштаған ауылы.[1]
Мазмұны
Тарихы[өңдеу]
Аудан Маңғыстау ауданы әкімінің 24.08.1999 ж. №128 қаулысымен құрылған.
Округ құрамы[өңдеу]
Округ құрамына үш елді мекен кіреді:
Халқы[өңдеу]
Тұрғыны:
- 2105 адам (1079 ер және 837 әйел адам) (1999)[2];
- 1574 адам (1026 ер және 737 әйел адам) (2009)[2];
- 1926 адам (2014)
Халық сирек қоныстанған. Әр 1 км² жерге орта есеппен 6,4 адам. Ірі елді мекендері: Үштаған, Сазды, Жарма.
2014 жылдың 1 шілдесіне ауданда 1,9 мың аса адам тұрған. Ұлттық құрамы: 90 %-дан аса қазақтар.
Экономикасы[өңдеу]
Ауылдық округ экономикасының негізін ауыл шаруашылығы секторы, соның ішінде мал шаруашылығы құрайды. Селода өндірістік кәсіпорындар мен өңдеуші кәсіпорындар жоқ. Қазіргі таңда шаруашылық кітабы мәліметі бойынша 31 шаруа қожалығы тіркелген, олардың 22-сі ғана тұрақты түрде жұмыс жасайды және олардағы мал санының артуы байқалады, ет, сүт, жүн өнімдерін өткізеді. 1 шаруа қожалығы және 2 жеке адам бау-бақша өнімдерін өсірумен айналысады.
Білім беру жүйесі[өңдеу]
Аудан округінде 550 балаға арналған 1 орта мектеп бар. Барлығы 397 оқушы оқиды. Мектеп жанында интернат үйі бар. Интернат үйі жанындағы спорт залында аудандық балалар мен жасөспірімдер спорт мектебінің волейбол, баскетбол, қазақша күрес үйірмелері жұмыс жасайды. Мектеп оқушылары мен ауыл жастары спортпен айналысады.
Селода 2008 жылдың мамыр айынан бастап 50 орындық 1 бала бақша жұмыс жасайды. 2014 жылы «Балапан» бағдарламасы аясында Сазды елдімекенінен 20 орындық «Сазды» балалар шағын орталығы пайдалануға берілді.
Денсаулық сақтау саласы[өңдеу]
Ауылдық округ бойынша Маңғыстау аудандық ауруханасының құрамында 1 дәрігерлік амбулатория жұмыс жасайды. Ақтөбе дәрігерлік амбулатория құрамында Сазды, Жарма елді мекендері халқына қызмет көрсететін 2 медициналық пункт жұмыс жасайды.
2014 жылы жылы Үштаған ауылында жаңа типтік дәрігерлік амбулатория ғимараты құрылысы басталды.
Мәдениет[өңдеу]
Ауылдық округ халқына 250 орынды Мәдениет үйі қызмет көрсетеді, бірнеше үйірмелер жұмыс жасайды. Сондай-ақ 1 кітапхана қызмет көрсетеді, онда 13535 кітап қоры бар, кітап қоры жыл сайын толықтырылып, оқырмандар саны артуда.
Дереккөздер[өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9X том
- ↑ a b - 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
| ||||||
