Болат Керімжанұлы Дарбеков

Болат Керімжанұлы Дарбеков
Лауазымы
Ту Қорғаныс министрінің 2-Бірінші орынбасары – Қазақстан Республикасы Қарулы Күштері Бас штабтары басшылары комитетінің төрағасы Ту
шілде 2003 — 10 қаңтар 2007
Президент	Нұрсұлтан Назарбаев
Ізашары	Мәлік Сапаров
Ізбасары	Мұхтар Алтынбаев
Ту Қазақстан Республикасы Қарулы Күштерінің «Оңтүстік» өңірлік қолбасшылығы әскерлерінің қолбасшысы Ту
17 сәуір 2007 — 6 қараша 2008
Ізашары	Бақтияр Сыздықов
Ізбасары	Әлихан Жарболов
Өмірбаяны
Білімі	Маршал И.С. Конев атындағы Алматы жоғары жалпыәскери қолбасшылық мектебі (1979) М.В.Фрунзе атындағы Әскери академия (1988) РФ ҚК БШӘА (2001)
Дүниеге келуі	21 қазан 1957 (1957-10-21) (66 жас) Тоқмақ, Фрунзе облысы, Қырғыз КСР
Балалары	ұл және қыз
Әскери қызметі
Қызмет еткен жылдары	1979 жылдан бастап
Әскер түрі	Аэроұтқыр әскерлері Құрлық әскері
Атағы	Генерал-лейтенант
Марапаттары

Болат Керімжанұлы Дарбеков (21 қазан 1957, Тоқмақ, Фрунзе облысы, Қырғыз КСР) — Қазақстан Республикасы Қарулы Күштері Жоғарғы қолбасшылығының өкілі, генерал-лейтенант, «Оңтүстік» өңірлік қолбасшылығы әскерлерінің қолбасшысы (2007-2008).

Өмірбаяны

1957 жылы 21 қазанда Қырғыз КСР Тоқмақ қаласында дүниеге келген.

1979 жылы Алматы жоғары жалпыәскери қолбасшылық мектебі үздік бітірді. Офицерлік қызметін Германиядағы Кеңес әскерлері тобында мотоатқыштар взводының командирі болып бастады.

1979 жылдың қарашасынан бастап — ГКӘТ 35-жеке гвардиялық десанттық-шабуылдаушы бригадасының десанттық-шабуылдаушы взводының командирі болды. ЖДШБр құрамында командирдің орынбасары — парашютті-десанттық ротаның әуе-десанттық даярлығы бойынша нұсқаушысы, десанттық-шабуылдаушы ротасының командирі, штаб басшысы — парашютті-десанттық батальон командирінің орынбасары қызметтерін атқарған.

1988 жылы М.В.Фрунзе атындағы Әскери академияны үздік бітірді. Академияны бітіргеннен кейін ОАӘО жеке мотоатқыштар бригадасының мотоатқыштар батальоны командирі қызметін атқарды.

1992 жылы Қырғызстан Республикасы Ұлттық ұланының штаб басшысы — қолбасшысының орынбасары болып тағайындалды.

1993-1995 жылдары — Қырғызстан Республикасы Ұлттық ұланы Бас штабының басшысы — қолбасшысының бірінші орынбасары болды.

1995 жылы Қырғызстаннан Қазақстанға ауысты. 1995 жылдың қарашасынан 1998 жылдың мамырына дейін мотоатқыштар дивизиясының мотоатқыштар полкінің командирі, 23260 әскери бөлімінің бөлім офицері, Алматы жоғары әскери училищесінің тактика кафедрасының оқытушысы, Қазақстан Республикасы Қарулы Күштері Әскери академиясының оперативтік өнер және тактика кафедраның аға оқытушысы қызметтерін атқарды.

1998 жылдың мамырында армия корпусының танк дивизиясы командирінің орынбасары болып тағайындалды.

2001 жылы Ресей Федерациясы Қарулы Күштері Бас штабының Әскери академиясын үздік бітіріп, Жедел жоспарлау департаментінің басшысы — Қазақстан Республикасы Қарулы Күштері Бас штабы бастығының жедел жоспарлау жөніндегі орынбасары болып тағайындалды.

2003 жылдың қаңтарынан — Қазақстан Республикасы Қорғаныс министрлігі Бас штаб басшысының бірінші орынбасары — Жедел жоспарлау жөніндегі департаменттің басшысы болды.

2003 жылы шілде Қазақстан Республикасы Президентінің № 389 Өкімімен Штабтар басшылары комитетінің төрағасы – Қазақстан Республикасы Қорғаныс министрінің бірінші орынбасары болып тағайындалды.

2007 жылдың 10 қаңтарында басқа жұмысқа ауысуына байланысты қызметінен босатылды.

2007 жылдың 17 сәуірінен 2008 жылдың 6 қарашасына дейін — «Оңтүстік» өңірлік қолбасшылығы әскерлерінің қолбасшысы болды.

Марапаттары

• II дәрежелі Даңқ ордені (2005)
• «Төтенше жағдайлардын алдын алуда және жоюда уздіқ шыққаны үшін» медалі (2008)