Бөрі (сұлтан)

Уикипедия — ашық энциклопедиясынан алынған мәлімет
Jump to navigation Jump to search

Бөрі (туған жылы белгісіз — 1758) — сұлтан, Қайып ханның немересі, Батыр ханның 3-баласы.

Сырдарияның төм. ағысы бойындағы әлімұлы руына, жергілікті қарақалпақтарға билік жүргізген. 18 ғасырдың 50-жылдарының басында ағасы Хиуа ханы Қайыптың араласуымен “төменгі” қарақалпақтардың ханы болып сайланды. Кейін Абылай ханның қыздарының біріне үйленеді. 1758 жылдың басында жергілікті тұрғындарға салық мөлшерін шамадан тыс көтеріп жібергені, аяусыздық танытқаны үшін қарақалпақтар тарапынан тұтқынға алынған Бөрі сұлтан кейін Арал өңірі өзбектеріне тапсырылып, солардың қолынан қаза табады. Ағасы Қайып пен Абылай ханның “төменгі” қарақалпақтар мен Арал өңірі өзбектерінен кек алмақ болған әрекеттері нәтижесіз болады. 1761 жылы көктемде Абылайдың мыңға тарта адамымен Сырдарияның төменгі ағысы бойына жасамақ болған әскери жорығы сәтсіз аяқталып, сол жылы 17 шілдеде ол өзінің жазғы ордасына қайтып оралады.[1][2]

Дереккөздер[өңдеу]

  1. “Қазақ Энциклопедиясы”||-том
  2. Отырар. Энциклопедия. – Алматы. «Арыс» баспасы, 2005 ISBN 9965-17-272-2