Вашингтон метросы

Уикипедия — ашық энциклопедиясынан алынған мәлімет
Jump to navigation Jump to search
Вашингтон метросы / Washington Metro
2005 жылы
Вашингтон метро желісінің сызбасы

Вашингтон метрополитені (ағылш. Washington Metro) — Вашингтон агломерациясындағы метрополитеннің желілер жүйесі. АҚШ-та жүктелгені жағынан Нью-Йорк метросынан кейін екінші орындағы және үлкендігі жағынан Нью-Йорк және Чикаго метросынан кейін үшінші орындағы метрополитен. Вашингтон метросы 189,6 километр теміржолдан, 6 метро желісінен және 91 метро бекетінен тұрады. 2019 жылғы мәлімет бойынша күніне шамамен 626,000[1][2], ал жылына 182,000,000[1] адам Вашингтон метросын қолданады. Вашингтон метросы 27 наурыз 1976 жылы ашылды.

Сипаттамасы[өңдеу]

Вашингтон метрополитен желілері Виргиния және Мэриленд деген екі штаттан және Колумбия округінен өтеді. Күн сайынғы жолаушылар саны 626,000 адамды құрайды (2019), ал вагондар паркі 950 вагонды құрайды. Пойыздар негізінен ақырын жүреді — орташа жылдамдығы 40 км/сағ.

Қазіргі таңда Вашингтон метросы 6 желіден құралған:

Washington Metro lines
Желі атауы Ашылды Бекеттер Ұзындығы
миль километр
Қызыл желі 1976 27 31.9 51.3
Көк желі 1977 27 30.3 48.8
Қызғылт сары желі 1978 26 26.4 42.5
Сары желі 1983 21 15.07 24.25
Жасыл желі 1991 21 23.04 37.08
Күміс желі 2014 28 29.6 47.6

Бекеттер[өңдеу]

Метро-Сентер бекеті, 2008 жылы

Метро-Сентер бекеті бірден төрт желінің қиылысында орналасқан (Қызыл, Көк, Қызғылт сары, Күміс). Бұл бекет Вашингтон метрополитенінің ең алғашқы бес бекетінің бірі.

Вашингтон қаласының орталығында ғана бекеттер терең орналасқан. Метро пойыздарының көбісі жерүстімен жүреді.

Желілер[өңдеу]

Қызыл желі[өңдеу]

Ең жүктелген желі. 29 наурыз 1976 жылы ашылды, 27 бекеттен құралған. Мэриленд штатындағы Монтгомери (Montgomery County) округінен шығып, қаланың орталық бөлігінде жүріп, қайтадан Монтгомериге оралады. Бұл басқа желілермен ортақ аумағы жоқ жалғыз желі. Қарбалас уақытта 44 пойыз қолданады (10 сегізвагондық және 34 алтывагондық пойыз).[3][4]

Хронологиясы[өңдеу]

Дата Оқиға Бекеттер саны Ұзындығы, км
29 наурыз 1976 Farragut North-тан Rhode Island Ave-Brentwood-қа дейін желінің ашылуы 5 7,4
15 желтоқсан 1976 Gallery Pl-Chinatown ашылды 6 7,4
17 қаңтар 1977 Dupont Circle бекетіне дейін созылуы 7 9,2
6 ақпан 1978 Silver Spring бекетіне дейін созылуы 11 18,3
5 желтоқсан 1981 Van Ness-UDC бекетіне дейін созылуы 14 21,7
25 тамыз 1984 Grosvenor-Strathmore бекетіне дейін созылуы 19 32,7
15 желтоқсан 1984 Shady Grove бекетіне дейін созылуы 23 43,9
22 қыркүйек 1990 Wheaton бекетіне дейін созылуы 25 49,1
25 шілде 1998 Glenmont бекетіне дейін созылуы 26 51,3
20 қараша 2004 New York Ave-Florida Ave-Gallaudet U 27 51,3

Көк желі[өңдеу]

Фэрфакс округінен шығып, Виргиниядағы Александриядан өтіп, Қызғылт сары желісенің бойымен Принс-Джорджеске қарай Вашингтон арқылы өтеді. Бұл желі 1 шілде 1977 жылы ашылды, 27 бекеттен тұрады, оның тек 8-і басқа желілермен ортақтаспаған. Қарбалас уақытта 23 алтывагондық пойыздарды қолданады. 22 қараша 1980 жылы Эдисон-Роудқа қарай үш бекетке созылды. Желігі әуежайға дейін созужұмыстары 15 маусым 1991 жылы Ван-Дорн-стрит бекетінің ашылуымен басталды. 18 желтоқсан 2004 жыл Мэрилендте екі жаңа бекеттер ашылды — Морган-Булевард және Ларго-таун-сентер.

Қызғылт сары желі[өңдеу]

Виргиния штатындағы Фэрфакс (Fairfax County) округінен Арлингтон (Arlington County) округі арқылы, Вашингтонның орталығы арқылы, сосын Мэриленд штатындағы Принс-Джорджес (Prince George’s County) округі арқылы өтеді. 20 қараша 1978 жылы ашылды, 26 бекеттен тұрады. Осы бекеттердің жартысы Көк желімен, ал үштен бір бөлігі Күміс желімен ортақтасқан. Қарбалас уақытта бұл желі 9 сегізвагондық, 21 алтывагондық пойыз қолданады.

Сары желі[өңдеу]

Сары желісінің сызбасы

Көк желісінің бойымен орналасқан. Пентагоннан басталып, Потомак өзенінің арғы жағына Фенвик көпірі арқылы өтіп, қаланың іскери бөлігінде аяқталады. 30 сәуір 1983 жылы ашылды, 17 бекеттен тұрады. Қарбалас уақытта 10 алтывагондық пойыз қолданады.

Жасыл желі[өңдеу]

Бұл желі Мэриленд штатындағы Принс-Джорджес округі арқылы және Колумбия округі арқылы өтеді. 11 мамыр 1991 жылы ашылды, 21 бекеттен тұрады. Қарбалас уақытта 19 пойыз қолданады (10 сегізвагондық, 9 алтывагондық).[5][6] Сары желісімен ортақ 6 бекеті бар (қарбалас уақытында бұл бекеттердің барлығын, ал қалған уақытта тек төртеуін қолданады), жәнеде Қызғылт сары желісімен бір, Қызыл желісімен екі ортақ бекеті бар.

Күміс желі[өңдеу]

Күміс желісінің ең алғашқы жұмыс күні (ашылған күн)

Виргиния штатындағы Фэрфакс (Fairfax County) округінен Арлингтон (Arlington County) округі арқылы, Вашингтонның орталығы арқылы, сосын Мэриленд штатындағы Принс-Джорджес (Prince George’s County) округі арқылы өтеді. Күміс желісі, бұл Вашингтон метросының ең соңғы алтыншы желісі. Жолаушылар үшін 26 шілде 2014 жылы ашылды, 28 бекеттен тұрады.

Даму болашағы[өңдеу]

Күміс желі[өңдеу]

Бұл желіні 6 бекетке және 18,5 километрға созу жұмыстары жүріп жатыр, оны 2020 жылы ашу жоспарланып отыр. Жаңа желі Даллас Халықаралық Әуежайы мен Лаудон округіне қызмет көрсетеді.[7]

Потомак Ярд[өңдеу]

2008 жылы Потомак Ярд аймағында бекет салу туралы зерттеу жұмыстары басталды. Бұл жоба әлі жоспарлану үстінде.[8]

Қауіпсіздік[өңдеу]

13 шілде 2009 жылы WMATA метро машинисттеріне және автобус жүргізушілеріне телефон құрылғыларын және басқа да портативті құрылғыларды қолдануда қатаң шараларды қабылдады. Бұл жаңа ереже АҚШ-тағы бірнеше үлкен апаттарды тергеуден кейін қабылданды. Өйткені бұл апаттардың көпшілігі осы портативті құрылғылардың кесірінен орын алған. Бұл өзгеріс жолаушылардың біреуі машинистің телефонда жазу теріп отырғанын бейне баянға жазып алғаннан кейін бір өткен соң қабылданды.[9]

Жолаушылар саны[өңдеу]

2012 жылдың шілде айының мәліметі бойынша жұмыс күні жолаушылар саны шамамен 744,918.[10] Ең жүктелген бекет ол Қызыл желісіндегі Юнион-стейшн (Union Station) бекеті. Бұл бекетте күніне орташа есеппен 33,250 жолаушы болады. Ал ең аз жүктелген бекет ол Қызғылт сары желісіндегі Шеверли (Cheverly station) бекеті. Бұл бекетте күніне орташа есеппен 1546 жолаушы болады.

Ең үлкен жүктеліс 20 қаңтар 2009 жылы тіркелді, 1 120 000 жолаушы. Бұл күні Барак Обаманың инаугурациясы өтті. Жолаушылар саны бойынша рекорд бір күн алдын болды, 866 681 жолаушы.[11] Кейбір рекордтар 2008 жылдың шілде айында орнады: рекордты айлық жолаушылар саны — 19 729 641, апта бойынша орташа күндік жолаушылар саны — 772 826.

Жол ақысын төлеу[өңдеу]

Метрополитенде жол ақысының құны жүретін жолдың қашықтығы мен тәулік уақытына қарайды. Кәдімгі уақытта (жұмыс күндері ашылған уақыттан бастап 9:30-ға дейін және 15:00-тен 19:00-ге дейін, сондай-ақ жұма және сенбі күндері 2:00-ден жабылған уақытқа дейін жүретін жолдың қашықтығына байланысты жол ақысының құны $2.10-тен $ 5.75-ке дейін). Басқа уақыттарда жолдың қашықтығына байланысты жол ақысы $ 1.70-тен $ 3.50-ке дейін. 4 жасқа дейінгі балаларға тегін, бірақ бір ересек адамға тек екі 4 жасқа дейінгі баланы тегін жүргізуге болады. Мүгедек адамдар мен қарт кісілерге жеңілдік қарастырылған.[12] Федералды мейрам күндері жол ақысы арзандайды, тек жолаушылар күрт көбейетін мейрам күндері емес, мысалы, Колумб күні, Ардагерлер күні, Мартин Лютер Кинг күні дәне Президент күні.[13]

Жылжымалы құрам[өңдеу]

Вагонның ішінде. Сары желі, Потомактан өту сәті, 2007 жылы.

Жылжымалы құрам 1126 вагоннан тұрады, әрқайсысының ұзындығы 23 метр.[14] Пойыздардың максималды жылдамдығы 95 км/сағ, ал орташа жылдамдығы 53 км/сағ.[15][16] Қарбалас уақытта 850 вагон қолданылады, оның 814-і белсенді қызмет көрсетеді, ал 36-сы қосалқы. Қосалқы вагондар техникалық ақаулар кезінде қолданылады.[17]

Пойыздар алты вагоннан құралған, бірақ Қызыл, Жасыл, Қызғылт сары желілерінде қарбалас уақытында вагондар саны сегізге дейін өсуі мүмкін. Пойыздар келуінің арасындағы уақыт қарбалас уақытында — 6 минут (Қызыл желіде — 5 минут), кешкі уақытта — 20 минут (Қызыл желіде — 15 минут), кәдімгі уақытта — 12 минут.

Галерея[өңдеу]

Дереккөздер[өңдеу]

  1. a b Metrorail ridership grew by 20,000 trips per weekday in 2019 (January 15, 2020).
  2. Duggan, Paul. For Metro's new chief executive, angry riders and stubborn problems await, The Washington Post (November 19, 2015).
  3. Page 80 Мұрағатталған 3 желтоқсанның 2010 жылы.
  4. add three trains to 8 and subtract 3 from 6 Мұрағатталған 15 маусымның 2011 жылы.
  5. Approved Fiscal 2009 Annual Budget. Washington Metropolitan Area Transit Authority, 2009, Мұрағатталған 3 желтоқсанның 2010 жылы. p. 80.
  6. «Metrorail System Adds Trains to Fleet.» Press release. Washington Metropolitan Area Transit Authority. April 9, 2009. Мұрағатталған 15 маусымның 2011 жылы. Accessed 2009-12-27.
  7. http://www.dullesmetro.com/ Жобаның ресми сайты
  8. Sun, Lena. New Push For Metro Station in Alexandria, The Washington Post (6 маусым 2008), бет  B01.
  9. John Hughes. Washington Metro Train Operators Caught Texting Will Be Fired, Bloomberg.com (July 9, 2009). (ағыл.)
  10. 2012 Metrorail Boarding By Station. WMATA (маусым 2012). Басты дереккөзінен мұрағатталған 6 қазан 2012.(қолжетпейтін сілтеме) Тексерілді, 9 желтоқсан 2012.
  11. Metro sets new record for highest ridership day of all time Мұрағат көшірмесі 15 маусымның 2011 Wayback Machine мұрағатында
  12. Metrorail Fares. WMATA. Басты дереккөзінен мұрағатталған 25 тамыз 2011. Тексерілді, 5 наурыз 2010.
  13. General Manager’s Fiscal 2008 Proposed Operating and Capital Budgets. WMATA (14 желтоқсан 2006). Басты дереккөзінен мұрағатталған 25 тамыз 2011. Тексерілді, 27 қаңтар 2009.
  14. Tuesday Red Line service altered as a result of Monday collision, WMATA press release (June 23, 2009). Тексерілді 23 маусымның 2009.
  15. Glossary. WMATA. Басты дереккөзінен мұрағатталған 25 тамыз 2011. Тексерілді, 28 қаңтар 2009.
  16. Glossary. WMATA. Басты дереккөзінен мұрағатталған 25 тамыз 2011. Тексерілді, 28 қаңтар 2009.
  17. WMATA (April 9, 2009). Metrorail system adds trains to fleet. Пресс-релиз. Тексерілген 2009-07-16. Мұрағатталған 15 маусымның 2011 жылы.

Сілтемелер[өңдеу]

Ортаққорда бұған қатысты медиа санаты бар: Washington Metro