Владимир Аркадьевич Филатов

Филатов Владимир Аркадьевич. 1953 жылы 6 қаңтарда РКФСР Сахалин облысы Оха қаласында туған. Орыс.

Әкесі - Филатов Аркадий Петрович (1918 жылы туған), инженер болып жұмыс істеген. Анасы - Самодинская Нина Николаевна (1926 жылы туған), дәрігер болып жұмыс істеген.

С.М. Киров атындағы Қазақ мемлекеттік университетінің физика факультетін (1978) физик мамандығы бойынша; КСРО Көркемөнер академиясының И.Е. Репин атындағы Ленинград кескіндеме, мүсін және сәулет институтының өнер тарихы және теориясы факультетін (1991) өнертанушы мамандығы бойынша бітірген. Орыс және ағылшын тілдерін біледі. 1978 жылдан - ҚазКСР ҒА Ядролық физика институтыныңфизик-инженері. 1983 жылдан - ҚазКСР Көркемөнер қорының өнертанушысы. 1992 жылдан бері - «Тәңірі-Ұмай» қазіргі өнер галереясының директоры, «Тәңірі-Ұмай» қоғамдық қорының президенті. «Құрмет» орденімен (2005), ҚР Құрмет грамотасымен (2001) марапатталған. Саяси қайраткер ретіндегі идеалы - М.Л. Кинг. Қазақстанның болашағы туралы болжамы - «Демократиялық республика». Хоббиі - тау туризмі. Сүйіп оқитын әдебиеті - А.А. Блок, А.А. Ахматова, Б.Л. Пастернак, И.А. Бродский, М.А. Булгаков, И.Э. Бабель және басқалар.

Үйленген. Жұбайы - Амвросова Маргарита Викторовна (1970 жылы туған), «Тәңірі-Ұмай» қазіргі өнер галереясының арт-директоры. Қыздары - Филатова Евгения (1979 жылы туған), Филатова Нина (1985 жылы туған); ұлы — Филатов Илья (1982 жылы туған).