Вольфганг Паули

Вольфганг Паули
нем. Wolfgang Ernst Pauli
Туған күні	25 сәуір 1900 (1900-04-25)
Туған жері	Венгрия, Австро-Венгрия
Қайтыс болған күні	15 желтоқсан 1958 (1958-12-15) (58 жас)
Қайтыс болған жері	Цюрих
Қызметі	физик-теоретик

Паули (Pauli) Вольфганг (25. 4. 1900, Вена — 15. 12. 1958, Цюрих) — кванттық механика жөнінде классикалық ғылыми еңбектер жазған швейцар физик-теоретигі.

Мюнхендегі университетті бітірген (1921). Ол 1921—22 ж. Гёттингенде М. Борнның, 1922—23 ж. Копенгагенде Н. Бордың ассистенті, 1923 ж. Гамбургтегі университеттің доценті, 1928 ж. Цюрихтегі Жоғары тех. училищенің профессоры болды. Ал 1940—46 ж. Принстондағы (АҚШ) Түбегейлі зерттеулер институтына шақырылып, онда профессор болып аномаль Зееман эффектісін түсіндіре келіп, өте маңызды квантомех. принципті (қ. Паули принципі) тұжырымдап берді (1925). Ол Паули Иордан және В. Гейзенбергпен біріге отырып, өрістің релятивистік кванттық теориясының негізін салды (1929). ыдыраудың ерекшеліктерін талқылау кезінде нейтрино деп аталатын бөлшектің бар екендігі жөнінде болжам айтты (1930—33). Ядролы күштердің мезондық теориясы бойынша да көптеген еңбектер жазды. Паули Нобель сыйлығының лауреаты (1945).