Георгий Аракелов

Георгий Аракелов (28.11. 1923 жылы, Әзірбайжан. Кировоабад қаласы) — байланысшы, қоғам қайраткері. .

Мәскеудің электро-техникалық байланыс институтын бітірген (1952). Еңбек жолын Орал қаласындағы радиоорталықта инженерліктен бастап, сол орталықтың басшылығына дейін көтеріледі. 1956 жылы Қазақ КСР Байланыс министірлігінің радиобөлімін баскаруға шақырылды. Арaкелов Алматыда республикамызда алғашқы телевизиялық орталығын техникалық жабдықталуына атсалысты. Телевизиялық орталыққаМәскеу, Одесса және Новосібір институттарынан білімді инженерлер шақырылды.

Аракелов салына бастаған Қарағанды және Өскемен телевизиялық орталықтарының тиянақты жобалануы, сәтті құрылуына да басшылықтар жасап, Ресейдің радиозауыттарына телевизиялық аппаратураларға сұраныстар берілді. Әрі қарай Қазақстанның аймақтарында студиялық телевизиялық орталықтар қаулай өсе түсті. 1964 жылы Аракелов Қазақстанның Байланыс министірлігінің бас инженері болып тағайындалды. Ол республикамызда радиобайланысын дамытуда, радиохабарын таратуда, Жер серіктік космостық жүйелерді өмірге еңгізуге, телевизияның дамуына, әрбір облыстық аймақтарда одақтық және республикалық телевизиялық бағдарламалардың кеңінен жеткізілуіне белсенді атсалысты.

1973 жылы Қазақ ССР Байланыс министірлігінің орынбасары болып тағайындалды. Республика аумағындағы радио-телевидение құрылғыларының дами түсуін жіті қадағалап, басшылық көмегін көрсетті. Еліміздегі байланыс инженерлерінің А.Попов атындағы ғылыми-техникалық ұйымын 25 жыл бойы басқарды, "Связь Казахстана" журналының бас редакторы болады. Екі "Қызыл Жұлдыз", екі рет Екінші дәрежелі Отан соғысының, екі "Құрмет Белгісі", "Парасат" ордендерімен, үш мәрте Қазақ КСР Жоғары Кеңесінің Мақтау қағаздарымен марапатталды. КСРО Байланыс министірлігінің "Байланыс шебері".