Гүлнар Әнуарбекқызы Мұратова

Уикипедия — ашық энциклопедиясынан алынған мәлімет
Jump to navigation Jump to search

Гүлнар Әнуарбекқызы Мұратова(туған жері: Ақмола облысы Ерейментау ауданы Бестоғай ауылы) - филология ғылымдарының докторы (2009). Л.Н. Гумилев атындағы ЕҰУ профессоры 1981 жылы Қарағанды мемлекеттік университетінің филология факультетін бітірген соң, Ақмола облысы Сілеті ауданы комсомол комитетінде нұсқаушы, 1982-1986 жылдары осы ауданда мұғалімдік қызмет атқарады. 1986-1988 жылдары Абай атындағы ҚазПИ-де стажер-ізденуші болып қабылданды. 1988-1991 жылдары осы институттың аспирантурасына оқуға түседі.

1991-1992 жылдары Ш.Уәлиханов атындағы Көкшетау педагогикалық университетінда оқытушылық қызметін жалғастырады. 1993-2000 жылдар аралығында С.Сейфуллин атындағы Ақмола университеті (кейінгі Еуразия ұлттық университеті) қазіргі қазақ тілі кафедрасының меңгерушісі қызметін атқарды.

1998-2000, 2002-2005, 2006-2011 жылдар аралығында ҚР Парламенты Сенатында, Сыртқы істер министрлігінде, Мемлекеттік қызмет академиясында, Астана қаласы әкімдігінде, қалалық прокуратурада, Мұғалімдер білімін жетілдіру институтында және Мемлекеттік тілді жеделдетіп оқыту орталықтарында мемлекеттік тілді меңгерту және іс қағаздарын жүргізуге байланысты дәріс және әдістемелік-практикалық сабақтар жүргізеді.

2003-2006 жылдары Л.Н.Гумилев атындағы Еуразия ұлттық университеті жанындағы 10.02.02 – қазақ тілі мамандығы бойынша кандидаттық диссертация қорғайтын, ал 2009 жылы осы университет жанындағы Д.14.29.02 докторлық диссертация қорғайтын Кеңес мүшесі болып сайланды.

1991 жылы ҚР ҰҒА-ның А.Байтұрсынов атындағы Тіл білімі институтында профессор Р.Ғ.Сыздықованың жетекшілігімен «Қазақ көркем әдебиетіндегі окказионал сөздер» тақырыбында кандидаттық диссертациясын қорғайды. 2009 жылы ақпанда докторлық диссертация қорғады («Абайдың тілдік тұлғасы: дискурстық талдау мен концептуалды жүйесі»).

Г.Ә.Мұратова өзі еңбек ететін университеттің бакалавр, магистр даярлайтын бөлімдеріне қазақ тілінен сабақ жүргізеді. Оқытушы сабақтардың ғылыми-теориялық мәніне, білім сапасына үлкен талап қояды. Ол жаңа бағыттағы «Лингвомәдениеттану», «Әлеуметтік лингвистика», «Тілдік қатынас негіздері» пәндері бойынша дәріс жүргізеді. Оқу процесінде әр түрлі әдіс-тәсілдер қолданып, жаңа технологиялар талабына сай жоғары оқу орны деңгейіне лайық сабақ жүргізеді. Оқытушының іс-тәжірибесі ашық сабақтар мен әдістемелік семинарларда талданып, жақсы бағасын алды. Оқытушы республикалық, халықаралық ғылыми-теориялық конференцияларға қатысады. Жаңа оқу кешені мен силлабустар, оқу-әдістемелік құралдарын талапқа сай әзірлейді.

Жарияланымдар[өңдеу]

Республикалық, халықаралық, шетелдік ғылыми конференцияларда ғылыми баяндама жзасайды. Оның ішінде: 1) ҮІІ «Ғылыми жазғы мектеп» семинары. «Когнитивная лингвистика и концептуальные исследования». –Украина, Киев, 2012, 2) «Болон процесі – оқу үдерісінде» семинар. -Чехия, Словения университеті. 25.08.-04.09.2012. 3) І Халықаралық Түркі Әлемі Зерттеулері Симпозиумы. -Түркия, Нигде университеті. 21.03.2014 ж. т.б. Г.Мұратова 100-ге жуық ғылыми ғылыми мақалалардың, монография, оқулық, оқу құралдарының авторы. SCOPUS. Mediterranean Journal of Social Sciences. Vol .6, No.3, May 2015. Rome, Italy 2015. ISSN 2039-2117. ISSN 2039-9340. -437-446. 1) Монография: «Абай тілдік тұлғасы». –Астана, 2016. -280 б. 2) Оқу құралы: Қазақ көркем әдебиетіндегі қажеттілік пен кездейсоқтық. Алматы, 2002. -138 б. 3) Оқу құралы: Кәсіби қазақ тілі. Заңгерлерге арналған оқу құралы. – Алматы, 2005. -136 б. 4) Оқулық: Көркем мәтінді лингвистикалық талдау. Астана, 2013. -286 б.

Г.Ә.Мұратова Қазақстан Республикасы Білім беру ісінің үздігі белгісімен марапатталған.

Дереккөздер[өңдеу]