Демеу Жаналиев

Уикипедия — ашық энциклопедиясынан алынған мәлімет
Jump to navigation Jump to search

Демеу Жаналиев (1924-1987, Атырау облысы) - КСРО-ның құрметті мұнайшысы (1984).

Бүкілодақтық сырттай оқитын политехникалық институты және КОКП ОК жанындағы Жоғары партия мектебін (1956) бітірген. 1941-1944 жылдары - Қосшағыл МКБ-да есепші, кадрлар бөлімінің бастығы, бөлімнің аға инженері. 1944-1946 жылдары - Жылой аудандық комсомол комитетінің I хатшысы, Жылой аудандық партия комитетінің нұсқаушысы. 1948-1953 жылдары - Новобогат аудандық партия комитетінің хатшысы, Жылой аудандық партия комитеті бөлім меңгерушісі. 1953-1957 жылдары - Қазақстан КП Мақат аудандық комитетінің І хатшысы. 1957-1961 жылдары - Атырау облыстық кеңесі бөлім меңгерушісі. 1961-1965 жылдары - «Қазақстанмұнай» бірлестігі Мұнайлы кәсіпшілігінің меңгерушісі. 1965-1984 жылдары - «Құлсарымұнай» МГӨБ-ы Қосшағыл мұнай кәсіпшілігі меңгерушісі.

Қазақ КСР Жоғарғы Кеңесінің Құрмет грамотасымен және медальдармен марапатталған.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдыққоры, 2005. ISBN 9965-9765-1-1