Джин Келли

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Джин Келли
ағылш. Gene Kelly
Сурет
Студиялық фотосурет, 1950 жыл
Жалпы мағлұмат
Туған кездегі есімі:

ағылш. Eugene Curran Kelly

Туған күні:

23 тамыз 1912(1912-08-23)

Туған жері:

АҚШ, Питсбург

Қайтыс болған күні:

2 ақпан 1996(1996-02-02) (83 жас)

Қайтыс болған жері:

АҚШ, Голливуд

Азаматтығы:

 АҚШ

Мамандығы:

актер
режиссёр

Белсенді жылдары:

1938-1994

IMDb:

ID 0000037

Джин Келли (ағылш. Gene Kelly, толық аты Эвган Кюрран Келли (ағылш. Eugene Curran Kelly); 1912 ж. 23 тамыз1996 ж. 2 ақпан) — америкалық актёр, хореограф, режиссёр, əнші жəне продюсер. 1940-1950 жылдары ол Голливуд жұлдызы болып, осы уақыт аралығында əлемдік кинематографтың алтын қорына қосылған ондаған фильмдер түсірді. Соған қарамастан, əлемге ол «Жаңбырдың астындағы əншілер» мюзикліндегі рөлі арқылы таныс.

Өмірбаяны[өңдеу]

Бала кезінен-ақ Джин Келли биге қызықты, кейінірек тас қалаушы, даяшы жəне би үйретуші қызметтерінде жұмыс істеді. Бродвейдегі алғашқы табысы Келлиге «Pal Joey» мюзиклі арқылы келді. Дэвид О. Селзниктің көмегімен Келли Голливудқа көшіп келеді. Оның кинодағы алғашқы рөлі «MGM» компаниясы үшін əйгілі режиссер-хореограф Басби Беркли түсірген «Мен жəне менің қызым үшін» фильміндегі рөл болатын.

1941-1957 жылдар аралығында Джин актриса Бетси Блэрге үйленген болатын. 1949-1957 жылдар аралығында вокалдық жəне хореографиялық қабілеті белгілі актер өзін талантты режиссер əрі хореограф ретінде де танытты. Осы кезеңде Келли атақты режиссерлар Стенли Донен жəне Винсент Миннеллимен біріге отырып, американдық кино тарихындағы үздік музыкалық фильмдерді жасап шығарды. Соның ішінде керемет атаққа ие болған «Жаңбырдың астындағы əншілер» мюзиклі де бар, бұл фильмде актер кино жұлдызы Дон Локвудты сомдап, бірнеше хореографиялық қойылымдарды жасап шығарды.

ХХ ғасырдың 50-жылдарындағы музыкалық кинематограф жұлдыздары Джуди Гарленд пен Фред Астермен Джин Келлидің терезесі тең тұрған болатын. 1957 жылдан кейін Келли еңбегінің басым бөлігін режиссураға арнады.

Фильмографиясы[өңдеу]

Актерлық жұмыстары[өңдеу]

  • 1942 — «Мен жəне менің қызым үшін»
  • 1944 — «Рождестволық демалыс»
  • 1944 — «Мұқабадағы қыз»
  • 1945 — «Зəкірді көтер»
  • 1946 — «Зигфилдтың бассыздығы»
  • 1948 — «Теңіз қарақшысы»
  • 1948 — «Үш мушкетёр»
  • 1949 — «Мені бейсболға ала кет»
  • 1950 — «Фермадағы жаз»
  • 1951 — «Американдық Парижда»
  • 1952 — «Жаңбырдың астындағы əншілер»
  • 1954 — «Бригадун»
  • 1955 — «Əрдайым жақсы ауа райы»
  • 1956 — «Биге шақыру»
  • 1957 — «Қыздар»
  • 1967 — «Рошфордың қыздары»
  • 1980 — «Ксанаду»
  • 1988 — «Майкл Джексон… аңыз аяқталмайды»

Режиссерлық жұмыстары[өңдеу]

  • 1949 — «Қалаға қашу»
  • 1952 — «Жаңбырдың астындағы əншілер»
  • 1967 — «Үйленген еркекке басшылық»
  • 1969 — «Сәлем, Долли!»

Дереккөздер[өңдеу]

Сыртқы сілтемелер[өңдеу]