Джон Леннон

Уикипедия — ашық энциклопедиясынан алынған мәлімет
Мұнда ауысу: шарлау, іздеу
John Lennon
Сурет
Негізгі ақпарат
Туған кездегі есімі

John Winston Lennon

Туған күні

қазанның 9 (1940—10—09) (74 жас)
Liverpool, England

Қайтыс болған күні

1980 ж. желтоқсанның 8 (40 жаста)
Нью-Йорк, АҚШ

Белсенділік жылдары

1957 — 1975, 1980

Мамандықтары

Әнші-композитор, Сазгер, Ақын, Суретші, Бейбітшілік қайраткері

Аспаптары

Гитара, Гармоника, Пианино, Бас, , Банджо, Соқпалы аспап, Перкуссия

Жанрлары

Rock, Pop, Experimental

Лақап аттары

Dr. Winston O`Boogie

Ұжымдары

The Beatles
Plastic Ono Band
The Dirty Mac

JohnLennon.com

Джон О́но Ле́ннон (ағылш. John Ono Lennon, азан шақырылған аты Джон Уи́нстон Ле́ннон ағылш. John Winston Lennon) — британдық рок-сазгер, әнші, композитор, суретші, жазушы (1940 ж. қарашаның 9, Ливерпул, Ұлыбритания — 1980 ж. желтоқсанның 8, Нью-Йорк, АҚШ).

The Beatles тобының негізін қалаушы және мүшесі, 20 ғ. ең әйгілі сазгерлерінің бірі.

Музыкалық қарекетімен қатар Леннон саяси қайраткер болды. Өзінің көзқарастарын ол өз әндері мен бұқараның алдында жеткізіп жүрді. Атақты «Imagine» әнінде Леннонның әлемнің қалай құрылуы жөнінде ойлары байқалады. Леннон адамдардың арасындағы теңдікті, бостандықты, бейбітшілікті жырлады. Бұның бәрі оны хиппилердің кумирі болуымен қатар 19601970 жылдардағы ең белгілі қоғам қайраткерлері қатарына қосты.

2002 жылы БиБиСи медиакорпорациясы (ағылш. BBC) ең ұлыбритандықтар тізімін құрастыру мақсатында сұрау жүргізді. Джон Леннон бұл тізімде тоғызыншы орынды алды.

Балалық шағы мен жасөспірім кезі[өңдеу]

Джон Леннон 1940 жылдың 9 қазанында сағат таңғы 6:30-да неміс авиациясының Ливерпульге шабуылы кезінде дүниеге келді. Оның ата-аналары Джулия және Альфред Леннон нәрестелерінің туулуынан кейін ажырасып кетті.

Осы Ливерпульдегі үйде Джонның балалық шағы өтті
Мими Смитпен бірге тұрған үй

Джулия Леннон екінші рет бақытын сынап, өзге ер адамға қосылғанда, 4 жасар Джонды балалары болмаған нағашы апасы Мими Смит пен оның жұбайы Джордж Смит тәрбиесіне алады. Мими тәрбие жағынан қатал адам болып, Джонның музыкаға қызығушылығын жақтырмады. Джон аса тапқырлығы мен мысқылшылдығымен ерекшеленді. Ол гитараны меңгеріп жатырған кездерінде Мими үнемі: «Гитара — жақсы нәрсе, әрине, бірақ саған күнкөріске ақша табуға көмектеспейді!» -деп, міңгірлеп отыратын. Кейін даңқ пен атаққа қол жеткізген Леннон тәтесіне жағалауда орналасқан зейнетті сарай сыйлап, оның сөздері жазылған мәрмәр тақтаймен бөлмені безендірді. Джон әкесінің орнын басқан Джорджбен бірден тіл табысып кетті. Өкінішке орай, 1955 жылы Джордж көз жұмды. Сол кезеңде Джон екінші жұбайы мен 2 баласымен тұрып жатқан анасымен жақын араласа бастады.

Леннонның мектеп өмірінің қалыптасқан кертартпа тәртібіне төзгісі келмеді. Өзінің дарындылығына қарамастан, ол оқу озатынан нашар оқушыға айналды. Леннон мектеп қабырғасында өзінің шығармашылық қабілеттерін ашты— хор үйірмесіне қатысып, өз суреттерімен безендірілген мектеп журналын шығарды. Оның сүйікті кітабы «Ғажайып елдегі Алиса» болды. 1952 Леннон Куоррибенк орта мектебінен тап болды. Джон үнемі тәртіп бұзып, мұғалімдерге карикатура салумен көзге түсті. 1950 жылдары Леннон рок-н-роллға қызығушылығы пайда болып, 1956 жылы мектептегі жолдастарымен The Quarrymen тобын құрды. Топтың құрамында Джон гитаршы рөлін атқарды. Оны есепке алмағанда, топтың ішінде 5 адам болды. 1957 жылдың 6 шілдесінде Леннон Пол Маккартнимен танысып, Пол Quarrymen-ның жаңа мүшесі атанды. Көп ұзамай Маккартни топқа Джордж Харрисонды енгізді.

Джон бітіру емтихандарын тапсыра алмай, Ливерпульдық көркемөнер мектебіне түсу үшін директордың көмегіне жүгінеді. Осы оқу орнынан ол Quarrymen-ның тағы бір болашақ мүшесі Стюартом Сатклиффпен танысады. Өзінің болашақ жұбайын Синтию Пауэллді де осында кездестіреді.

1958 жылы Джонның анасы жазатайым оқиғадан көз жұмады. Джулияның қазасы Джон үшін ауыр тиді. Кейін ол анасына бірқатар әндерін арнады — «Julia», «Mother» и «My Mummy’s Dead». Анасының ажалы Джонның болашағына өзіндік ықпалын тигізді. Quarrymen тобы 1959 жылы жойылды, сол жылы Silver Beetles жаңадан пайда болды. Кейін оның атауы ауыстырылды. Осылайша, аңызға айналған The Beatles тобы пайда болды.

Альбомдары[өңдеу]