Джон Стюарт, 4-ші Атолл графы

Уикипедия — ашық энциклопедиясынан алынған мәлімет
Jump to navigation Jump to search

Джон Стюарт, 4-ші Атолл графы
ағыл. John Stewart, 4th Earl of Atholl
Лауазымы
4-ші Атолл графы
1542-1579
Ізашары Джон Стюарт
Ізбасары Джон Стюарт
Өмірбаяны
Қайтыс болуы 25 сәуір 1579 (1579-04-25)
Әкесі Джон Стюарт
Анасы Гризел Ратрей
Жұбайы 1-әйелі: Элизабет Гордон
2-әйелі: Маргарет Флеминг
Балалары Элизабет, Джейн, Гризел, Мария, Джон

Джон Стюарт (ағыл. John Stuart; қай. 25 сәуір 1579), 4-ші Атолл графы (1542 жылдан бастап) — XVI үасырдың ортасындағы шотландық мемлекеттік қайраткер, шотландық барондардың консервативтік партиясының көшбасшыларының бірі.

1559-1560 жылдары Шотландиядағы протестант революциясынан бастап, Атолл графы елдегі католик дінінің сақталуын қолдайтын шотланд ақсүйектердің консервативті қанатына қосылған. Атолл 1560 жылы парламентте протестант дінің сенім символын қабылдауға және протестант рухында шіркеуді реформалауға қарсы дауыс берген үш адамның бірі болған. Мария Стюарт 1561 жылы Шотландияға оралғаннан кейін, Атолл патшайымның құпия кеңесіне кірді және католицизмге берілгендігінің арқасында Марияның ең жақын достарына айналды. 1565 жылы Джон Стюарт Солтүстік Шотландияда патшалық лейтенант болып тағайындалды.

Патшайымның Ботвелл графымен некелесуі Атоллды Мариядан аз уақытқа алыстатып жіберді, бірақ 1567 жылы патшайым тақтан тайдырылғаннан кейін Мария Стюартты қайта қалпына келтіруді қалайтын жақтастарына қосылды. Үкімет пен «патшайымның партиясы» арасындағы ұзаққа созылған күрес 1573 жылы соңғысының жеңілісімен аяқталды. Регент Мортон билігі кезінде (1572-1581) Атолл оппозицияда болды. Аргайл графымен бірге 1578 жылы ол регентке қарсы күресті ұйымдастырды және жас патша Яков VI-нің көмегімен Мортонды биліктен қысқа мерзімге аластатты. Атолл графы Шотландияның лорд-канцлері лауазымын алды. Алайда, төңкеріс сәтсіздікке ұшырады: көп ұзамай регент Мортон билікке қайта оралды, алайда, ол патшалық кеңеске қастандық жасаушыларды кіргізіп алды.

Көп ұзамай регентпен татуласудан кейін, Мортондағы банкетке оралғаннан кейін, Атолл кенеттен сырқаттанып, 1579 жылы 25 сәуірде қайтыс болды. Оны регент уланған деген лебіз бар.