Джордж Вестингауз

Уикипедия — ашық энциклопедиясынан алынған мәлімет
Jump to navigation Jump to search
Джордж Вестингауз
ағылш. George Westinghouse
Сурет
Туған күні

6.10.1846

Туған жері

АҚШ, Нью-Йорк штаты, Централ-Бридж

Қайтыс болған күні

12.3.1914

Қайтыс болған жері

АҚШ, Нью-Йорк штаты, Нью-Йорк

Азаматтығы

 АҚШ

Компаниясы

«Вестингауз Электрик»

Лауазымы

президент

Джордж Вестингауз (ағылш. George Westinghouse; 1846 ж. 6-қазан1914 ж. 12-наурыз) — американдық кəсіпкер, инженер жəне өнеркəсіп иесі, «Вестингауз Электрик» компаниясының негізін салушы.

Өмірбаяны[өңдеу]

Нью-Йорк штатының Централ-Бридж елді мекенінде 1846 жылдың 6-қазанында дүниеге келген. Фон Вестингаузен орыс ақсүйектер əулетінің ұрпағы; оның əкесі көлік цехының иегері, талантты өнертапқыш жəне кəсіпкер болды. Ол ауылшаруашылық құралдарына алты патент алды.

Джордж Вестингауздың ең маңызды өнертабыстары қатарына темір жолдың қозғалыс бөлігінің тежеуіш жүйесін жасаудағы жұмыстарын жатқызуға болады.

Вестингауз бу қысымы нəтижесінде жұмыс істейтін тежеуіш, алғашқы темір жолға арналған ауа тежеуішін жасаған (1869 жылы патент алды). 1872 жылы Вестингауз тежеуішті автоматты түрде басқаруды енгізді, осыдан кейін тежеуіштерді шығаратын компанияның негізін қалады, оны жүргінші, тауар тасушы темір жолдың қозғалыс бөлігіне енгізуді бастады. ХХ ғасырдың екінші жартысында Вестингауздың тежеуіші автомобильдерде де қолданыла бастады. Негізінен, қазіргі замандағы үлкен автобустар мен жүк көліктеріндегі пневматикалық тежеуіштер жүйесі Вестингауз тежеуішінің дамытылған түрі болып табылады.

Джордж Вестингауз темір жолдағы жаңа дабылдама жүйелері жəне қозғалыстың басталуы мен тоқтау кезіндегі вагондардың соқтығысуының алдын алуға бағытталған қақтығыстарды демпфирлау тəсілін ойлап тапқан.

Сонымен қатар, Вестингауз табиғи газды алыс аймақтарға құбыр арқылы қауіпсіз түрде жеткізудің тəсілін ойлап тауып, электрлік трансформаторды жақсартты. 1893 жылы Вестингауздың электр желісі Чикагодағы Бүкілəлемдік көрмені жарықтандырды. 1894 жылы Вестингауз компаниясы Никола Тесланың 10 электр генераторын жаңадан ашылған Ниагара сарқырамасының су электр станциясына орнатты. Осы кезеңде Джордж Вестингауз айнымалы ток саласында сербтік өнертапқышпен бірге қызмет етті жəне оны əрдайым қолдап жүрді. Соның арқасында өзінің айнымалы ток жайлы ең басты патенттерін алып, Эдисон компаниясымен патенттік соғысқа кіріседі. Бұл соғыс тек екі компанияның қосылып, «General Electric» компаниясының пайда болуымен аяқталды.

Вестингауздың басқа да ірі өнертабыстарының қатарына трамвайдың тартушы электр қозғалтқышы; метро вагондарының электрлік тежеуіші, электрлік локомотив, автомобиль амортизаторы жатады. Жалпы, өнертапқыш 400-ден астам патент тіркеген.

1910 жылы Вестингауз «Инженер-механиктердің Америкалық қоғамының» президенті атанды.

1911 жылы Вестингауз Эдисон сыйлығын алды.

Вестингауз 1914 жылдың 12-мамырында Нью-Йоркте дүниеден өтті.[1][2]

Дереккөздер[өңдеу]

  1. Железнодорожный транспорт: Энциклопедия / Гл. ред. Н. С. Конарев. М.: Большая Российская энциклопедия, 1995, 559 стр., ил.
  2. Марк Сейфер. Никола Тесла. Повелитель вселенной. Эксмо, Яуза, 2007 г. ISBN 978-5-699-23746-3