Екіжүзді (DC Comics)

Уикипедия — ашық энциклопедиясынан алынған мәлімет
Jump to navigation Jump to search
Шығу тарихы
Дебют

Detective Comics №66 (1942 жылдың тамызы)

Авторлары

Боб Кейн
Билл Фингер

Кейіпкер сипаттамасы
Позициясы

Ауыспалы

Толық есімі

Харви Дент

Лақап аттары

Аполлон
Готэмнің Ақ серісі
Мистер Дуал
Қорқынышты Харв
Харв
Янус

Түрі

Адам

Бойы

180 см

Салмағы

90 кг

Отбасылық жағдайы

Үйленбеген, Рейчел Доуспен жақын қарым-қатынаста болды

Командалар мен ұйымдар
Одақтастары

Джокер
Жұмбақшы
Балшықжүзді
Мистер Фриз
Улы Барқыт

Жаулары

Бэтмен
Найтвинг
Робин
Бэтгёрл
Спойлер
Гордон комиссар

Ерекше күштері

Кемеңгерлі зерде
Көсемдік
Төбелес шеберлігі
Қару ату дағдысы

Жабдықтауы

Күміс тиын
Оқ ататын қарулар

Екіжүзді (ағылш. Two-Face) — DC Comics әлеміндегі супержауыз, Бэтменнің жауы. Оның басқа кейіпкерлерден айырмашылығы: 1) бетінің сол жағы толықтай күйіп кетті; 2) ол барлық мәселелерді күміс тиын лақтырумен шешеді. Тиынның бір жағы өзі секілді күйіп кеткен. Тиынды өз құрбанының тағдырын шешу үшін лақтырады: егер күйген жағы түссе — өлім, егер күймеген жағы түссе — бәрі бір өлім, бірақ созылмалы өлім болуы мүмкін. Екіжүздінің барлық нәрселері екіжақты: беті, шашы, денесі, киімі, тиыны, тіпті мінезі (кей кезде жақсылық жасайды, кей кезде жауыздық танытады).

Екіжүзді IGN бойынша "Комикстардың 100 үздік жауыздары" рейтингісінде 12 орын алады.

Фильмдерде[өңдеу]

"Қара сері" фильміндегі Екіжүздінің киімі
  • 2008 жылы шыққан "Қара сері" фильмінде Екіжүзді рөлін Аарон Экхарт сомдады. Бұл фильмде ол Готэм Ситидің өңірлік прокуроры болып табылады. Бэтмен Готэм Сити қылмыскерлігімен заңсыз түрде күрессе, Харви Дент, керісінше, заңды түрде күресіп жатады. Сондықтан прокурорды Қара серіге қарама-қарсы Готэм Ситидің "Ақ серісі" деп атап кетеді. Харви қалжың үшін әрдайым бар мәселені екі жағы да "бүк" болып табылатын тиынмен шешеді. Қала қылмыскерілігін тоқтату үшін ол комиссар Гордонмен және Бэтменмен одақ құрады. Сол кезде қала мафиясы Бэтменді өлтіру үшін Джокер есімді есалаң қылмыскерді жалдайды. Джокер Бэтменнің шынайы жүзін білу үшін бірнеше қылмыс жасайды. Харви Джокерді өзіне шабуылдатып, тұтқынға алыну үшін өзін шынайы Бэтмен деп жариялайды. Жоспар жүзеге асты: Джокер тұтқынға түсті. Алайда бұл тек шытырман оқиғаның басы ғана: Джокер де өз тұтқындалуын жоспарлады: "сайқымазақ" көмекшілері арқылы Харви мен оның қалыңдығы Рейчелді ұрлап, оларды екі жерде ұстап отыр. Тергеу кезінде Бэтмен Джокерден олардың ұсталып отырған жердің мекенжайларын алды. Бірақ Джокер Бэтменді алдады: ол Қара серіге Денттің мекенжайының орнына Рейчел мекенжайын айтты және керісінше. Рейчелді полицейліктер құтқаруға үлгере алмады. Ал Бэтмен Харвиді құтқаруға үлгерді, алайда прокурор бетінің сол жағы күйікке ұшырады. Рейчел жарылған жерде Бэтмен Харвидің "сәтті" тиынын тауып алып, оны Харвиге қайтарды. Джокер Харвиге келіп, болған оқиғада сайқымазақ емес, мафия мен полиция кінәлі деп көндірді. Джокер өзін өлтіруге ұсынды, ал Харви бір жағын күйіп қалған тиынын лақтырып, ақырында Джокерді аман қалдырды. Осыдан бастап ол Екіжүздіге айналып, бар мәселесін "бүк-шікпен" шешіп отырды. Екіжүзді Рейчелдің өліміне қатысты барлық адамдарды өлтіре бастайды: Вюрц өлтірді, Рамирезді талдырды, ал Гордон мен оның отбасысын жазалау үшін Рейчел қайтыс болған жерге әкеліп, құрбан ретінде Гордон баласын алады. Бэтмен Харвиді көндіруге әрекет ете бастайды, алайда Екіжүзді Қара серіні тыңдамай, тиын лақтыру арқылы кіші Гордонның тағдырын шеше бастады. Бэтмен баланы құтқару үшін Екіжүздімен айқаса бастайды, нәтижесінде Ақ сері Қара серімен бірге жерге құлап, қайтыс болады. Бэтмен аман қалып, Гордонмен бірге болған жайтты жарияламауға келіседі, себебі қала тұрғындары өз Ақ серісінің осындай жауызға айналғанын білсе, жақсылыққа үміттерін жоғалтады.

Сериалдарда[өңдеу]

  • 2014 жылы шыққан "Готэм" телехикаясында Екіжүзді рөлін Николас Д’Агосто сомдады.

Мультфильмдерде[өңдеу]

  • "Бэтмен: Бірінші жыл" мультфильмінде өңірлік прокурор Харви Дентке кішігірім рөл берілді.
  • "Бэтмен: Қара сері жандануы" мультфильмінде Бэтмен Харви Дент атты жауызбен төбелеседі. Дент бетінің сол жағы қалпына келгенімен, ол өзінің жауыздығын доғара алмады.

Мультсериалдарда[өңдеу]

  • 1992 жылы шыққан Бэтмен: Мультсериал атты мультсериалының "Былғары қанаттарда" атты бөлімінде Харви камеоға түседі. Ал "Көркем у" бөлімінде ол Улы Барқыт есімді супержауыздың құрбаны болады. Екіжүзді ретінде ол "Екіжүзді, 1 бөлім" атты бөлімде пайда болды. Басында ол қорқынышты түстер көреді, ол түстерде Харви Қорқынышты Харв атты қылмыскер әрі ол өзінің "тағдыршешті" тиынын қолданып жүр. Біраздан соң оның түстері өңге айнала бастайды: балалық шағынан бергі сана бұзылушылығы Дентті алқындырып жіберді, ол ашуын келтірген нәрсені көрсе, ашулылық пен өшпенділікке беріледі. Сондай осал тұсын Брюс Уэйн, ал кейін банда басшысы Торн да біліп қойды. Торн соны пайдаланып, Харвиді прокурор сайлау алдында бопсалауға әрекет етті. Бірақ Дент Қорқынышты Харвқа айналып, Торнның көмекшілерін өлтіре бастады. Кейін өз досын тоқтату үшін Бэтмен келді, алайда канистр жарылған кезде Харвиді құтқара алмады. Харвидің беті зақымдалды: бетінің және денесінің сол жағы ашық көк түске боялды. Кейін Харв Торн бандасының басшысына айналады. Твидледум мен Твидледи атты банданың мүшелері Харвқа Торн банкілерін тонауға көмектеседі. Харв Торнның өзін өлтірейін деп жатқанда, Бэтмен үлгерді. Харв Торнның тағдырын шешу үшін тиын лақтырғанда, Бэтмен үстелдегі басқа тиындарды лақтырып, Харвты полицейлерге ұстап берді.
  • "Бэтменнің жаңа шытырман оқиғалары" атты мультсериалының "Әкелер күнәлары" атты бөлімінде Екіжүзді бір жігітті өлтіргісі келді, себебі сол жігіттің әкесі оған қарыздар болып қалды. Кейін Екіжүзді барлық Готэм Ситиді уландырғысы келеді. Соңғы бөлімде Екіжүздінің "Қазы" атты үшінші тұлғасы пайда болады. Қазы өзінің жеке әділеттілігін жүргізеді. Ақырында есінен мүлдем ауысқан Екіжүзді Аркхэмге түсіп, "Кінәлі!" деген сөзді қайталап отырды.
  • "Әділеттілік әскері" атты мультсериалының "Үздік әлем" атты бөлімінде Екіжүзді басқа готэмдік есалаңдарға секілді лоботомия жасалды.
  • "Бэтмен: Жаужүрек әрі батыл" атты мультсериалда Харви Дент Брюс Уэйннің досы болады. Сонымен қатар ол Готэм Ситидегі прокурор болып, қылмыскерліктің "№1" жауы болады. Мафия оны өлтіруге бел буды. Бэтмен өз досын құтқарғанымен, Харви бетінің сол жағы улы күйікке ұшырайды. БҰл оның санасын бұзады. Осыдан бастап Харви Екіжүздіге айналып, өзінің бандасын құрып, Готэм Ситидің быт-шытын шығара бастайды.
  • "Бэтменнен сақтаң" атты мультсериалда Харви Дент — Готэм Ситидің өңірлік прокуроры, әкімге үміткер адам әрі Бэтменнің қарсыласы. Бэтмен мен Дэфстроукты қамаған кезде, жарылыстың құрбаны болып, Екіжүздіге айналады.

Компьютерлік ойындарда[өңдеу]

  • "Batman: Justice Unbalanced"
  • "Batman Forever"
  • "The Adventures of Batman and Robin"
  • "Batman: Arkham Asylum"
  • "Batman: Arkham City"
  • "Batman: Arkham Knight"
  • "Lego Batman"
  • "Lego Batman 2: DC superheroes"
  • "Lego Batman 3: Готэмді тастағанда"
  • "Lego Dimensions"
  • "Injustice"