Ескишехир

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Ескишехир (қала) (түр. Eskişehir) – Түркияның солтүстік-батысында, Порсук өзенінің жағалауындағы қала. Халық саны 482 793 (2000 жылғы санақ нәтижесі). Анкараның батысынан 250 км және Ыстамбұлдың оңтүстік-шығысынан 350 км қашықтықта. Ескишехир атауы түрік тілінен аударғанда «көне қала» (eski – көне, şehir - қала) мағынасын береді. ХІV ғасырға дейін Ескишехир жас Осман мемлекетінің астанасы болған. Гректер Түркия әскерін талқандауға келген кезде (1921 жылдың көктемінде) Ескишехир әскери әрекеттердің орталығы болған. Гректердің бұл шайқаста жеңіске жеткендеріне қарамастан, түрік әскерлері қоршаудан шығып кетеді. 1922 жылдың жазында түрік әскерлері қалаға қайтып келеді. Қалада 880 000 тәлімгер білім алатын Анадолы университеті орналасқан. Түркиядағы ең үлкен университет болса, ал дүние жүзі бойынша 4 орынды иеленеді.

Пайдаланылған әдебиеттер[өңдеу]