Жак Деррида

Уикипедия — ашық энциклопедиясынан алынған мәлімет
Мұнда ауысу: шарлау, іздеу


Деррида Жак

Деррида Жак
Дүниеге келгені: 1930 ж. шілденің 15 (1930—07—15) (83 жас)
Эль-Биар, Алжир
Қайтыс болғаны: 2004 ж. қазанның 8 (74 жаста)
Париж, Франция
Ұлты: француз
Мансабы: философ

Жак Деррида (1930-2004) - идеялары әсіресе адамзат тілінің методологиясымен бірге әлеуметтанудың бірқатар салаларындағы ойға әсер еткен француз философы.[1]

Алжирде еврей отбасында туған. Есоіе Normale Superieure мектебінде оқып, тәмамдаған, әскерден соң Сорбоннада оқытушы болған.

Еңбектері[өңдеу]

Деррида 1967 жылы негізгі үш еңбегі - "Дауыс және феномен", "Хат және айырмашылық", "Грамматология жөнінде" жарық көргеннен кейін танымал бола бастады. Деррида жаһандануды заңдылықты әрі болмай қоймайтын процесс ретінде қарауға бейім. К.Маркстен кейін ол іле-шала, кез келген әлеуметтік өзгеріс тарих қажетплігінен туындайды әрі ол ең алдымен адам баласының өзінің өзгеруі дейді. Сондықтан да Деррида өз кітабының атауына марксистік ұранды алады: "Барлық елдердің космополиттері, тағы бір рет талаптан!" (1997). Ол жаһандану процесін қолдан жасалған (табиғатқа қайшы) деп қарамайды және оны жойқын күш деп те танымайды. Ол осы процеске атсалыса катысуға шақырады: жаһандану дәуірі адамының алдында тұрған басты міндет - өзін жаңа әлеммен қоршау. Жаһандануды ұлттық, мемлекеттік құқық шеңберінен шығарып, құқық дамуының процесі ретінде қарастырады ("Космополитизм тұрғысынан қарағанда философияға құқықтың болуы", 1997). Сондықтан да ол қазіргі әлемнің үш мәселесін - жаһандануды, космополитизмді және құқықты байланыстырып қарастырады. "Космополитизм және кешірім" (2001) деген басты еңбегінде Деррида жаһандану үшін бүгінгі өмір сүріп отырған құқықтық кеңістіктің күші, бұл кеңістік қаншалықты біртұтастанатындығы мәселелері маңызды емес, бастысы біркелкі мәдениеті, дәстүрі, құқы бар орталықтандырылған элем жоқ жағдайда біз өз құқымызды қорғау үшін неге арқа сүйей аламыз, соны анықтауға тырысады.[2][3]

Тағы қараныз[өңдеу]

Дереккөздер[өңдеу]

  1. Орысша-қазақша түсіндірме сөздік: Әлеуметтану және саясаттану бойынша / Жалпы редакциясын басқарған э.ғ.д., профессор Е. Арын – Павлодар: «ЭКО» ҒӨФ. 2006. – 569 б. ISBN 9965-808-89-9
  2. Саяси түсіндірме сөздік. – Алматы, 2007. ISBN 9965-32-491-3
  3. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7

Сілтемелер[өңдеу]

Ортаққорда бұған қатысты медиа файлдар бар: Жак Деррида