Жақсытүкті

Жақсытүкті тауы
Сипаттамасы
Тау жүйесі	Көкшетау қыраты
Пайда болған кезеңі	Девон
Ұзындығы	35-37 км
Ені	10-12 км
Биіктігі	593 м
Орналасуы
52°36′13″N 69°13′25″E
Елдер	Қазақстан, Ақмола облысы Сандықтау ауданы жерінде
Жақсытүкті тауы (Қазақстан) Жақсытүкті тауы
Жақсытүкті тауы

Жақсытүкті – Көкшетау қыратының оңтүстігіндегі эрозиялық-денудациялық тау.

Географиялық орны

Ақмола облысы Сандықтау ауданы жерінде орналасқан. Бірнеше шоқылардан тұратын таудың абсолюттік биіктігі 593 м. Доғалданып, бойлық бағытта созылған. Ұзындығы 35 – 37 км, ені 10 – 12 км.

Жер бедері мен геологиясы

Беткейлері көлбеу, Сарқырама өзені басталатын оңтүстік батысы тіктеу, жартасты. Жоғарғы девонның интрузивті гранит жыныстарынан түзілген. Оның бетін аллювийлі-делювийлі шөгінділер жапқан.

Өсімдігі

Күлгін түстес шымды топырағында әр түрлі шөптесіндер, баурайында қарағайлы-қайыңды орман өседі.