Ибн Манзур

Әбул-Фадл Мұхаммед ибн Мукрим ибн Әли Джамалуддин ибн Манзур әл-Ансари әр-Руайфиғи әл-Ифриқи (араб.: محمد بن مكرم بن على أبو الفضل جمال الدين ابن منظور الأنصاري الرويفعى الإفريقى‎, 1232—1311) — әдебиетші, тарихшы, фиқһ пен араб тілінің ғалымы, ең атақты еңбегі араб тілінің «Лисан әл-Араб» («араб тілі») түсіндірме сөздігі. Оның туған жері туралы тарихшылар арасында келіспеушіліктер бар: біреулер оны Тунистегі Қафса (Гафса) қаласында, басқалары Ливияның Триполи қаласында туған дейді. Басқалары оны мысырлық санайды. Руайфиғ ибн Сәбит әл-Ансаридің ұрпағынан шыққан деп есептелінеді.

Абдуррахман ибн әт-Туфайлдан, Мұртаза ибн Хатимнен, Әбул-Хасан Әли ибн әл-Муқир әл-Бағдадиден сабақ алған. Әл-Қаһирада кеңсе басқармасында қызмет атқарып, артынан Триполидің қазысы болып тағайындалады. Өмірінің соңғы жылдары соқырлыққа душар болып, һижри 711 жылы (1311) Шағбан айында Мысыр жерінде қайтыс болады.

Дереккөздер

Тағы қараңыз

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.